IPL 2022, GT vs DC Match LIVE Updates : आयपीएलच्या 15 व्या हंगमातील दहावा सामना गुजरात टायटन्स आणि दिल्ली कॅपिटल्स यांच्यामध्ये होणार आहे. पुण्यातील एमसीएच्या मैदानावर हे दोन्ही संघ एकमेंकासमोर भिडणार आहेत. सायंकाळी साडेसात वाजता सामन्याला सुरुवात होणार आहे. आयपीएलमध्ये गुजरात आणि दिल्ली पहिल्यांदाच समोरासमोर येणार आहेत. गुजरातकडून हार्दिक पांड्या तर दिल्लीच्या कर्णधारपदाची सुत्रे ऋषभ पंतच्या खांद्यावर आहेत.

गुजरातने पहिल्या सामन्यात लखनौचा पाच विकेटनं पराभव करत आयपीएलची सुरुवात दणक्यात केली होती. दुसरीकडे दिल्लीनेही पहिल्या सामन्यात मुंबईचा पराभव करत विजयाचा श्रीगणेशा केला. गुजरात आणि दिल्लीचा संघ विजयाची लय कायम राखण्यासाठी मैदानात उतरेल. दोन्ही संघात दिग्गज खेळाडूंचा भरणा आहे. त्यामुळे सामना रोमांचक होण्याची शक्यता आहे.

पिच रिपोर्ट -
पुण्यातील एमसीए क्रिकेटचं मैदान सुरुवातीला फलंदाजीसाठी पोषक आहे. त्यानंतर येथे फिरकी गोलंदाजांचा दबदबा राहतो. प्रथम गोलंदाजी करणाऱ्या संघाला फायदा मदत मिळतो. दुसऱ्यांदा फलंदाजी करणारा संघ 80 टक्के जिंकला आहे.

दिल्लीची ताकद अन् कमजोरी काय?
दिल्लीची सर्वात मोठी ताकद सलामी जोडी होऊ शकते. पृथ्वी शॉ आणि डेविड वॉर्नर हे विस्फोटक फलंदाज कोणत्याही गोलंदाजाची धुलाई करण्यास सक्षम आहेत. त्याशिवाय ऋषभ पंतचा फॉर्म दिल्लीसाठी जमेजी बाजू आहे. गोलंदाजीबाबत बोलायचं झाल्यास, दिल्लीकडे एकापेक्षा एक दर्जेदार गोलंदाज आहेत. एनरिक नॉर्खिया, चेतन साकरिया, मुस्तफिजुर रहमान, लुंगी एनगिडी, शार्दूल ठाकुर आणि खलील अहमद यासारखे धुरंधर गोलंदाज दिल्लीकडे आहेत. मार्श आणि डेव्हिड वॉर्नर सुरुवातीच्या काही सामन्यांना उपलब्ध नाहीत. त्याशिवाय वेगवान गोलंदाज एनरिक नॉर्खिया दुखापतीतून सावरलेला नाही. आयपीएलमध्ये तो खेळणार की नाही? यावर सस्पेन्स आहे.

गुजरातची ताकद, कमकुवत बाजू?
गुजरात टायटन्स संघाचा विचार करता त्यांच्याकडे असणारा बोलिगं अटॅक त्यांची सर्वात जमेची बाजू आहे. कारण संघात जगातील अव्वल दर्जाचा फिरकीपटू राशिद खान आहे. सोबत वेगवान गोलंदाजीसाठी लॉकी फर्ग्यूसन आणि मोहम्मद शमी सारखे दिग्गज आहेत. नवखा पण उत्तम असा अल्झारी जोसेफही गुजरातमध्ये असून अनुभवी जयंत यादव आणि आयपीएलमध्ये चांगल्या फॉर्ममध्ये असणारा राहुल तेवतिया संघात आहे. संघात सलामीवीरांचा प्रश्न काहीसा कठीण आहे. कारण नुकताच जेसन रॉय याने स्पर्धेतून माघार घेतली आहे. त्यामुळे एकट्या शुभमनवर सलामीची जबाबदारी आहे.

23:23 PM (IST) • 02 Apr 2022

IPL 2022, GT vs DC Match LIVE Updates : गुजरातचा 14 धावांनी विजय

IPL 2022, GT vs DC Match LIVE Updates : लॉकी फर्गुसनचा भेदक मारा आणि शुबमन गिलच्या अर्धशतकी खेळीच्या बळावर गुजरात टायटन्सने दिल्लीचा 14 धावांनी पराभव केला. गुजरातने दिलेल्या 172 धावांच्या आव्हानाचा पाठलाग करताना दिल्लीने 157 धावांपर्यंत मजल मारली. गुजरातने सलग दुसरा विजय मिळवला आहे. गुजरातकडून शुबमन गिलने 84 धावांची खेळी केली तर लॉकी फर्गुसन याने चार विकेट घेतल्या.

23:13 PM (IST) • 02 Apr 2022

IPL 2022, GT vs DC Match LIVE Updates : मोहम्मद शामीचा भेदक मारा, दिल्लीला सलग दोन धक्के

IPL 2022, GT vs DC Match LIVE Updates : मोहम्मद शामीने मोक्याच्या क्षणी भेदक मारा करत दिल्लीच्या दोन फलंदाजांना दोन चेंडूवर बाद केले. यासह दिल्लीच्या अडचणी वाढल्या आहेत. दिल्लीला विजयासाठी 15 चेंडूत 29 धावांची गरज आहे. तर गुजरातला विजयासाठी एका विकेटची गरज

23:04 PM (IST) • 02 Apr 2022

IPL 2022, GT vs DC Match LIVE Updates : दिल्ली पराभवाच्या छायेत, शार्दूलच्या रुपाने बसला सातवा धक्का

IPL 2022, GT vs DC Match LIVE Updates : शार्दूल ठाकूर स्वस्तात बाद झाला. दिल्लीला सातवा धक्का बसला आहे. दिल्लीला विजयासाठी 24 चेंडूत 38 धावांची गरज

22:57 PM (IST) • 02 Apr 2022

IPL 2022, GT vs DC Match LIVE Updates : दिल्लीला आणखी एक धक्का, अक्षर पटेल बाद

IPL 2022, GT vs DC Match LIVE Updates : दिल्लीला पाचवा धक्का बसला आहे. अक्षर पटेल बाद

23:02 PM (IST) • 02 Apr 2022

IPL 2022, GT vs DC Match LIVE Updates : दिल्लीला मोठा धक्का, कर्णधार पंत बाद

IPL 2022, GT vs DC Match LIVE Updates : लॉकी फर्गुसनने दिल्लीला पाचवा धक्का दिला आहे. ऋषभ पंत 41 धावा काढून बाद झाला आहे.

मराठीतील सर्व ताज्या बातम्या सर्वात आधी वाचा एबीपी माझावर. राजकारणपासून कोरोनापर्यंत आणि क्रीडापासून ते बॉलिवूडपर्यंतच्या सर्व अपडेट्स वाचण्यासाठी मराठीतील विश्वसनीय वेबसाईट म्हणजे एबीपी माझा. मराठीतील सर्व बातम्या वाचण्यासाठी लगेच फॉलो करा

New Update