Worlds Largest Jersey : आयपीएल फायनलच्या मैदानात सामन्याआधीच वर्ल्ड रेकॉर्ड, सर्वात मोठी जर्सी मैदानात, गिनीज बुकमध्ये नोंद
आयपीएल 2022 स्पर्धेचा अंतिम सामना आज अहमदाबादच्या नरेंद्र मोदी स्टेडियममध्ये (Narendra Modi Stadium) खेळवला जाणार असून सामन्यासाठी जंगी समारोप कार्यक्रम आयोजीत करण्यात आला आहे.
RR vs GT, IPL 2022 Final : आयपीएल 2022 (IPL 2022) स्पर्धेच्या अंतिम सामन्याला सुरुवात होण्यापूर्वी एक जंगी कार्यक्रम याठिकाणी सुरु आहे. बॉलीवुड तारे-तारका स्टेजवर येणार असून याठिकाणी एक वर्ल्ड रेकॉर्ड सामना सुरु होण्याआधीच झाला आहे. मैदानात एक भव्य अशी जर्सी आयपीएलतर्फे सादर करण्यात आली असून जगातील सर्वात मोठ्या मैदानात ही सर्वात मोठी जर्सी सादर करण्यात आल्याने एक वर्ल्ड रेकॉर्ड झाला आहे. या रेकॉर्डची नोंद गिनीज बुकमध्ये देखील करण्यात आली आहे.
आज अहमदाबादच्या नरेंद्र मोदी स्टेडियममध्ये (Narendra Modi Stadium) खेळवला जात आहे. गुजरात टायटन्स आणि राजस्थान रॉयल्स (GT vs RR) यांच्यात रात्री 8 वाजता सामन्याला सुरुवात होणार आहे. पण तत्पूर्वी याच ठिकाणी आयपीएल 2022 चा समारोप सोहळा अर्थात क्लोजिंग सेरेमनी (IPL 2022 Closing Ceremony) आयोजीत कऱण्यात आली आहे. या कार्यक्रमाला बॉलीवुड सेलिब्रिटींपासून ते अनेक दमदार आर्टिस्ट कार्यक्रम सादर करणार आहेत.
क्लोजिंग सेरेमनीला चारचाँद लागणार
ऑस्कर विजेते म्यूझिक कंपोजर ए.आर. रेहमान आणि बॉलीवुड सुपरस्टार रणवीर सिंह या क्लोजिंग सेरेमनीचं मुख्य आकर्षण असणार आहे. रेहमान आणि नीती मोहन यांचा रिहर्सल करतानाचा फोटोही व्हायरल झाला होता. त्यामुळे नीती मोहन तसंच मोहित चौहान यांचाही परफॉरमन्स याठिकाणी असेल. बॉलीवुड अभिनेत्री उर्वशी रौतेला देखील डान्स करताना दिसेल. विशेष म्हणजे सेलिब्रिटी आणि सर्व कलाकार मिळून 700 कलाकार या इव्हेंटमध्ये परफॉर्म करतील. आयपीएल क्लोजिंग सेरेमनीची थीम ही भारताच्या 75 व्या स्वांतत्र्याचा महोत्सवाची असणार आहे. आयपीएलचं (IPL 2022) यंदाचं 15 वं वर्ष आहे. मागील 8 दशकात भारतीय क्रिकेटनं आयपीएलमुळे खूप प्रसिद्धी मिळवली आहे. आयपीएल 2022 च्या समारोप सोहळ्यात बीसीसीआयचे अध्यक्ष सौरव गांगुली, उपाध्यक्ष राजीव शुक्ला, सचिव जय शाह, आयपीएल चेअरमन ब्रिजेश पटेल यांच्यासह उच्चस्तरीय अधिकारी उपस्थित राहणार आहेत. याशिवाय सामन्याला गुजरात क्रिकेट असोसिएशनचे अधिकारी आणि राज्यातील काही राजकीय व्यक्ती देखील उपस्थित राहणार असल्याची माहिती मिळत आहे. विशेष म्हणजे भारताचे पंतप्रधान नरेंद्र मोदी आणि गृहमंत्री अमित शाह हे देखील गुजरातमध्येच असल्याने ते देखील कार्यक्रमाला येण्याची शक्यता आहे.
हे देखील वाचा-
- IPL 2022 Closing Ceremony : वेळेपासून ते थीमपर्यंत, कोणते तारे अवतरणार? आयपीएल समारोपाच्या कार्यक्रमाशी संबधित A टू Z माहिती एका क्लिकवर
- IPL 2022 Final: फानयलमध्ये पाच खेळाडूंच्या कामगिरी राहणार सर्वांचं लक्ष, एकट्याच्या जिवावर जिंकून देऊ शकतात सामना
- IPL Final, GT vs RR: राजस्थानच्या संघासाठी धोक्याची घंटा, राशिद खान करतोय 'स्नेक शॉट'चा सराव
महत्त्वाच्या बातम्या
