DC vs KKR , Match Live Updates :कोलकात्याचा पराभव, दिल्लीचा चार विकेटने विजय
DC vs KKR, IPL 2022 Live Score : यंदाच्या आयपीएलमधील (IPL 2022) 41 व्या सामन्यात दिल्ली कॅपिटल्स आणि कोलकाता नाईट रायडर्स (DC vs KKR) हे दोन्ही संघ आमने-सामने आहेत.
LIVE
Background
DC vs KKR, IPL 2022 Live Score : यंदाच्या आयपीएलमधील (IPL 2022) 41 व्या सामन्यात दिल्ली कॅपिटल्स आणि कोलकाता नाईट रायडर्स (DC vs KKR) हे दोन्ही संघ आमने-सामने असणार आहेत. आजचा हा सामना मुंबईच्या प्रसिद्ध वानखेडे मैदानात पार पडणार आहे. दोन्ही संघाची यंदाच्या हंगामातील कामगिरी सुमार असली तरी एका दमदार आणि उत्तम खेळीचे प्रदर्शन त्यांच्याकडून दाखवण्यात आलं आहे. (Delhi Capitals and Kolkata Knight Riders)
यंदाच्या आयपीएलमध्ये दिल्ली कॅपिटल्सने 7 पैकी 3 सामने जिंकत 6 गुणांसह सातवं स्थान मिळवलं आहे. तर आठव्या स्थानावर असणाऱ्या कोलकाता नाईट रायडर्स संघाने 8 पैकी 3 सामने जिंकत सहाच गुण मिळवले आहेत. दोघांचा फॉर्म समसमान असल्याने आजचा सामनाही रंगतदार होऊ शकतो, या सामन्यापूर्वी दोन्ही संघाच्या आजवरच्या इतिहासावर एक नजर फिरवूया...
दिल्ली विरुद्ध कोलकाता Head to Head
आयपीएलमध्ये आजवर दिल्ली कॅपिटल्स आणि कोलकाता नाईट रायडर्स (DC vs KKR) हे संघ तब्बल 30 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता कोलकात्याचं पारडं काहीसं जड राहिलं आहे. त्यांनी 16 सामन्यात विजय मिळवला आहे. तर दिल्लीने 13 सामने जिंकण्यात यश मिळवलं आहे. याशिवाय एक सामना अनिर्णीत राहिला आहे.
कसा आहे पिच रिपोर्ट?
आजचा सामना मुंबईतील वानखेडे मैदानात पार पडणार आहे. मैदानात सुरुवातीचे काही सामने हे चेस करणाऱ्या संघाच्या दिशेने झुकलेले पाहायला मिळालं. पण मागील काही सामन्यात प्रथम फलंदाजी करणारा संघ विजयी होताना दिसत आहे. इतर मैदानांपेक्षा काहीसं छोटं मैदान असल्याने षटकार, चौकारांची बरसात याठिकाणी होत असते. त्यामुळे वानखेडे मैदानात मोठी धावसंख्या उभी राहताना दिसते. पण आजचा सामना सायंकाळच्या सुमारास होणार असल्याने दुसऱ्यांदा गोलंदाजी करणाऱ्या संघाला दवाची अडचण येऊ शकते, त्यामुळे नाणेफेक जिंकणारा सामना प्रथम फलंदाजी किंवा गोलंदाजी घेण्याचे समसमान चान्सेस आहेत.
DC vs KKR , Match Live Updates :कोलकात्याचा पराभव, दिल्लीचा चार विकेटने विजय
DC vs KKR , Match Live Updates : दिल्ली कॅपिटल्सने कोलकात्याचा चार विकेटने पराभव केला. कोलकात्याने दिलेले 147 धावांचे आव्हान दिल्लीने सहा गड्यांच्या मोबदल्यात 19 व्या षटकाच्या अखेरच्या चेंडूवर पार केले.
DC vs KKR , Match Live Updates : उमेश यादवाचा भेदक मारा
DC vs KKR , Match Live Updates :
दिल्लीविरोधात उमेश यादवने भेदक मारा केला. उमेश यादवने चार षटकात 24 धावा खर्च करत तीन विकेट घेतल्या. उमेश यादवने पृथ्वी शॉ, डेविड वॉर्नर आणि ऋषभ पंतला बाद केले.
DC vs KKR , Match Live Updates : सामना रोमांचक स्थितीत
DC vs KKR , Match Live Updates :
सामना रोमांचक स्थितीत पोहचला आहे. दिल्लीला विजयासाठी 28 चेंडूत 33 धावांची गरज आहे. शार्दुल ठाकरू आणि रोवमन पॉवेल खेळत आहेत. कोलकात्याला विजयासाठी चार विकेटची गरज आहे.
DC vs KKR , Match Live Updates : कोलकात्याला सहावा धक्का, अक्षर पटेल बाद
DC vs KKR , Match Live Updates :
अक्षर पटेलच्या रुपाने दिल्लीला सहावा धक्का बसला आहे. अक्षर पटेलला अय्यरने धावबाद केलेय. पटेल 24 धावा काढून बाद झाला
DC vs KKR , Match Live Updates : दिल्लीला लागोपाठ दोन धक्का, अर्धा संघ तंबूत
DC vs KKR , Match Live Updates : दिल्लीला लागोपाठ दोन धक्के बसले आहेत. ललीत यादव आणि कर्णधार ऋषभ पंत बाद झालाय. त्यामुळे दिल्लीचा अर्धा संघ तंबूत परतलाय. दिल्लीला विजयासाठी 48 चेंडूत 60 धावांची गरज
महत्त्वाच्या बातम्या
ट्रेंडिंग न्यूज
