नाणेफेकीचा कौल हार्दिकच्या बाजूने, धोनीची चेन्नई करणार प्रथम फलंदाजी; पाहा दोन्ही संघाची प्लेईंग 11
IPL 2023 : गुजरातचा कर्णधार हार्दिक पांड्या याने नाणेफेकीचा कौल जिंकत प्रथम गोलंदाजी करण्याचा निर्णय घेतला.
IPL 2023 : अरजित सिंह याने आपल्या आवाजाने सर्वांना मंत्रमुग्ध केले. तर रश्मिका मंधाना आणि तमन्ना भाटिया यांच्या डान्सवर उपस्थित प्रेक्षक थिरकले. कलाकारांच्या दमदार परफॉर्मनंतर आयपीएलच्या 16 व्या हंगामाला सुरुवात झाली. गुजरातचा कर्णधार हार्दिक पांड्या याने नाणेफेकीचा कौल जिंकत प्रथम गोलंदाजी करण्याचा निर्णय घेतला. धोनीचा चेन्नई संघ प्रथम फलंदाजी करणार आहे.
चेन्नईची प्लेईंग 11
डेवेन कॉनवे, ऋतुराज गायकवाड, मोईन अली, बेन स्टोक्स, रविंद्र जाडेजा, शिवम दुबे, अंबाती रायडू, एम एस धोनी (कर्णधार/विकेटकिपर), मिचेल सँटनर, दीपक चाहर, राजवर्धन हंगारकेरकर
गुजरातची प्लेईंग 11 -
शुभमन गिल, वृद्धीमान साहा (विकेटकिपर), केन विल्यमसन, विजय शंकर, हार्दिक पांड्या (कर्णधार), राहुल तेवातिया, राशिद खान, मोहम्मद शामी, जोश लिटिल, अल्जारी जोसेफ, यश दयाल
पांड्याची ग्रँड एन्ट्री -
गतविजेता गुजरात आणि चेन्नई यांच्यात सलामीचा सामना रंगणार आहे. हार्दिक पांड्या आणि एमएस धोनी पहिल्या विजयासाठी मैदानात उतरणार आहेत. ओपनिंग सरेमनीमधील परफॉर्मन्स झाल्यानंतर स्टेजवर बीसीसीआय अध्यक्ष रॉजर बिन्नी, सचिव जय शाह आणि आयपीएल चेअरमन अरुण सिंह धूमाल आले होते. त्याशिवाय चेन्नईचा कर्णधार एमएस धोनी आणि गुजरातचा कर्णधार हार्दिक पांड्या यांनाही स्टेजवर आमंत्रित कऱण्यात आले. हार्दिक पांड्याची ग्रँड एन्ट्री झाली. पांड्या छोट्या कारमधून स्टेजवर आला होता. त्यावेळी त्याच्या हातात आयपीएलची ट्रॉफी होती.
चेन्नई संघाची ताकद काय?
अष्टपैलू खेळाडूंचा भरणा हीच या संघाची सर्वात मोठी ताकद होय.. त्याशिवाय कर्णधार धोनीचे नेतृत्वही जमेची बाजू आहे. चेपॉकवरील संथ खेळपट्टीवर धोनी गोलंदाजांचा अचूक वापर करतो.. रविंद्र जाडेजा, मोईन अली, बेन स्टोक यांच्याशिवाय शिवम दुबे आणि दीपक चाहर यांच्या अष्टपैलू खेळाडू संघासाठी फायदेशीर ठरेल. त्याशिवाय डेवोन कोनवे आणि ऋतुराज गायकवाड यांची सलामी संघाची जमेची बाजू आहे.
गुजरातसाठी जमेची बाजू काय?
यंदाचा गुजरात संघ गेल्यावर्षीपेक्षा मजबूत दिसत आहे. हार्दिक पांड्याकडे नेतृत्वाचा अनुभव आहे. त्याशिवाय तो आता अन स्विंग गोलंदाजीही करत आहे. त्याशिवाय शुभमन गिल सध्या लयीत आहे. राशिद खान याने नुकतेच दमदार कामगिरी केली आहे. पीसीएलमध्ये राशिद खान याने 11 सामन्यात 20 विकेट घेतल्या होत्या. त्याशिवाय डाव्या आणि उजव्या हाताने फलंदाजी करणाऱ्या खेळाडूंचे योग्य ते संतुलन आहे. हार्दिक आणि अन्य अष्टपैलू खेळाडूमध्ये संघ संतुलीत दिसत आहे. अनुभवी आणि युवा खेळाडूंचा भरणा आहे.
आणखी वाचा :
अरिजीत सिंहचा कडक आवाज, अन् तमन्ना-रश्मिकाचा जलवा, आयपीएलची दिमाखदार सुरुवात
Arijit in IPL : अरिजीतचा धमाकेदार फरफॉर्म, हार्दिकसह चाहत्यांनी दिली दाद
महत्त्वाच्या बातम्या
