Greg Chappell on Vaibhav Suryavanshi : वैभव सूर्यवंशीकडे नीट लक्ष्य द्या, अन्यथा पृथ्वी-विनोद कांबळीसारखं करिअर उद्ध्वस्त...; दिग्गज माजी क्रिकेटपटूचा बीसीसीआयला थेट इशारा
Vaibhav Suryavanshi : राजस्थान रॉयल्सचा युवा क्रिकेटपटू वैभव सूर्यवंशी आयपीएल 2025 मध्ये धमाकेदार कामगिरीमुळे चर्चत आहे.
Greg Chappell on Vaibhav Suryavanshi : राजस्थान रॉयल्सचा युवा क्रिकेटपटू वैभव सूर्यवंशी आयपीएल 2025 मध्ये धमाकेदार कामगिरीमुळे चर्चत आहे. 14 वर्षीय वैभवने गुजरात टायटन्सविरुद्धच्या सामन्यात फक्त 35 चेंडूत शतक ठोकले. या शतकासह, वैभव आयपीएलमध्ये सर्वात जलद शतक करणारा भारतीय फलंदाज बनला.दरम्यान, भारताचे माजी प्रशिक्षक ग्रेग चॅपेल यांनी बीसीसीआयला सचिनप्रमाणेच वैभवला हाताळण्याचा सल्ला दिला आहे आणि पृथ्वी-विनोद कांबळीसारखी परिस्थिती टाळण्याचा इशारा दिला आहे.
ग्रेग चॅपेल यांनी बीसीसीआयला दिला इशारा
खरंतर, भारतीय संघाचे माजी प्रशिक्षक ग्रेग चॅपेल यांनी बीसीसीआयला वैभव सूर्यवंशीला लक्ष्य ठेवण्याचा इशारा दिला आहे. सचिन तेंडुलकर, विनोद कांबळी आणि पृथ्वी शॉ यांची उदाहरणे देत ते म्हणाले की, वैभवला योग्यरित्या हाताळावे लागेल. अन्यथा, त्याचे करिअरही उद्ध्वस्त होऊ शकते.
ग्रेग चॅपेल यांनी ईएसपीएन क्रिकइन्फो (ESPNcricinfo)वर त्यांच्या कॉलममध्ये लिहिले आहे की, 'सचिन तेंडुलकरला तरुण वयात केवळ प्रतिभेमुळे यश मिळाले नाही, तर त्याच्याकडे आधार प्रणाली देखील होती. एक शांत स्वभाव, एक समजूतदार प्रशिक्षक, जगापासून त्याचे रक्षण करणारे कुटुंब. दुसरीकडे, विनोद कांबळीही तितकाच प्रतिभावान खेळाडू होता पण तो प्रसिद्धी आणि शिस्तीत संतुलन साधू शकला नाही. तो जितक्या लवकर वर आला तितक्या लवकर खाली पडला. पृथ्वी शॉ हा असाच एक खेळाडू आहे. तो आता बाहेर आहे. पण, कदाचित तो पुन्हा वर येईल."
Youngest to score a T20 1⃣0⃣0⃣ ✅
— IndianPremierLeague (@IPL) April 28, 2025
Fastest TATA IPL hundred by an Indian ✅
Second-fastest hundred in TATA IPL ✅
Vaibhav Suryavanshi, TAKE. A. BOW 🙇 ✨
Updates ▶ https://t.co/HvqSuGgTlN#TATAIPL | #RRvGT | @rajasthanroyals pic.twitter.com/sn4HjurqR6
वैभव सूर्यवंशीला जगाच्या ग्लॅमरपासून दूर राहण्याची गरज
खरंतर, विनोद कांबळी आणि पृथ्वी शॉ हे एकेकाळी भारतीय क्रिकेटचे भविष्य मानले जात होते, परंतु हे दोन्ही खेळाडू त्यांच्या प्रतिभेचा योग्य वापर करू शकले नाहीत. पृथ्वी शॉनेही खूप कमी वयात भारतासाठी तिन्ही फॉरमॅटमध्ये पदार्पण केले. पण अनुशासनहीनता, तंदुरुस्तीची चिंता आणि त्याचे मैदानाबाहेरील वाद ज्यामुळे तो बाहेर गेला. म्हणून चॅपेल म्हणाले की, वैभवला त्याच्या प्रतिभेसाठी योग्य मार्गदर्शन मिळाले पाहिजे. ते फक्त मार्केटिंगसाठी वापरले जाऊ नये.
विनोद कांबळी आणि सचिन तेंडुलकर यांनी त्यांच्या कारकिर्दीची सुरुवात एकत्र केली होती. तेंडुलकर हा खेळ खेळणाऱ्या महान खेळाडूंपैकी एक बनला, तर डावखुरा विनोद कांबळी मात्र हरला. मास्टर ब्लास्टरने त्याच्या शानदार कारकिर्दीत क्रिकेटमध्ये महत्त्वपूर्ण खेळी केल्या आणि सर्व फॉरमॅटमध्ये (कसोटी, एकदिवसीय आणि टी-20) एकूण 34,357 धावा केल्या. त्याने कसोटीत 15,921 धावा आणि एकदिवसीय सामन्यात 18,426 धावा केल्या, त्याने एक टी-20 सामनाही खेळला, ज्यामध्ये त्याने 10 धावा केल्या. विनोद कांबळी यांनी 17 कसोटी सामन्यांमध्ये 1084 धावा, 104 एकदिवसीय सामन्यांमध्ये 2477 धावा, प्रथम श्रेणीत 9965 धावा आणि 221 लिस्ट ए सामन्यांमध्ये 6476 धावा केल्या.
महत्त्वाच्या बातम्या
