IPL 2022: विराटला फलंदाजीचा सल्ला देणं म्हणजे सुर्याला प्रकाश दाखवणं- अमित मिश्रा

IPL 2022: रॉयल चॅलेंजर्स बंगळुरूचा (Royal Challengers Bangalore) माजी कर्णधार विराट कोहली (Virat Kohli) सध्या वाईट टप्प्यातून जात आहे.

(Photo Credit: Twitter)

IPL 2022: रॉयल चॅलेंजर्स बंगळुरूचा (Royal Challengers Bangalore) माजी कर्णधार विराट कोहली (Virat Kohli) सध्या वाईट टप्प्यातून जात आहे. यंदाच्या हंगामात विराट कोहलीनं 12 सामने खेळले असून 216 धावा केल्या आहेत. ज्यात एकाच अर्धशतकाचा समावेश आहे. यादरम्यान, विराट कोहली सातव्यांदा 10 पेक्षा कमी चेंडू खेळून बाद झालाय. तर, तिसऱ्यांदा गोल्डन डकचा शिकार ठरला आहे. आयपीएलमधील विराट कोहलीचं प्रदर्शन पाहून अनेक दिग्गज खेळाडू त्यांच्या खेळीवर प्रश्नचिन्ह उपस्थित करत आहेत. याचपार्श्वभूमीवर भारताचा फिरकीपटू आमित मिश्रानं विराट कोहलीची पाठराखण करणारं ट्विट केलंय.

अमित मिश्रा काय म्हणाला?
नुकतंच अमित मिश्रानं केलेल्या ट्विटमध्ये असं म्हटलंय की, विराट कोहलीला फलंदाजीचा सल्ला देणं म्हणजे सुर्याला प्रकाश दाखवण्यासारखं आहे. फक्त काही सामन्यांची गोष्ट आहे. त्यानं 2014 मध्ये इंग्लंड दौऱ्यानंतर ज्या पद्धतीनं पुनरागमन केलं होतं. तसेच तो लवकरच कमबॅक करेल. 

ट्वीट-

एकाच हंगामात तिसऱ्यांदा शून्यावर बाद होणारा विराट पहिलाच आरसीबीचा खेळाडू
सनरायझर्स हैदराबादविरुद्धच्या सामन्यात कोहली या हंगामात तिसऱ्यांदा शून्यावर बाद होऊन माघारी परतला आहे. आयपीएलच्या एकाच हंगामात तो तिसऱ्यांदा गोल्डन डकचा शिकार ठरला आहे. विशेष म्हणजे, एका हंगामात तिसऱ्यांदा गोल्डन डकचा शिकार ठरणारा विराट कोहली पहिलाच आरसीबीचा खेळाडू ठरला आहे. 

बंगळुरूचा हैदराबादवर 67 धावांनी विजय
मुंबईच्या वानखेडे मैदानावर आज खेळण्यात आलेल्या सामन्यात रॉयल चॅलेंजर्स बंगळुरूनं सनरायजर्स हैदराबादला 67 धावांनी पराभूत केलंय. या सामन्यात नाणेफेक जिंकून आरसीबीच्या संघानं प्रथम फलंदाजी करण्याचा निर्णय घेतला. त्यानंतर आरसीबीच्या संघानं 20 षटकात तीन विकेट्स गमावून हैदराबादसमोर 193 धावांचं लक्ष्य ठेवलं. प्रत्युत्तरात हैदराबादच्या संघाचा डाव 125 धावांवर आटोपला. 

हे देखील वाचा-