DC vs SRH IPL 2023 Live: दिल्ली आणि हैदराबादमध्ये लढत, लाईव्ह अपडेट एका क्लिकवर
IPL 2023, DC vs SRH Score Live Updates : आयपीएल पॉईंट्स टेबलमधील सर्वात शेवटी नवव्या आणि दहाव्या क्रमांकावर असणाऱ्या दोन्ही संघामध्ये (DC vs SRH) आज लढत पाहायला मिळणार आहे.
LIVE
Background
IPL 2023, DC vs SRH Score Live Updates : आयपीएल 2023 मध्ये (IPL 2023) आज 40 वा सामना सनराजयर्स हैदराबाद (Sunrisers Hyderabad) आणि दिल्ली कॅपिटल्स (Delhi Capitals) या दोन संघांमध्ये रंगणार आहे. इंडियन प्रीमियर लीगच्या 16 व्या हंगामातील आजचा सामना दिल्लीतील अरुण जेटली स्टेडिअमवर पार पडणार आहे. आयपीएल पॉईंट्स टेबलमधील सर्वात शेवटी नवव्या आणि दहाव्या क्रमांकावर असणाऱ्या दोन्ही संघामध्ये (DC vs SRH) आज लढत पाहायला मिळणार आहे.
IPL 2023 DC vs SRH : दिल्ली विरुद्ध हैदराबाद लढत
आयपीएलच्या यंदाच्या सोळाव्या हंगामात दोन्ही संघांची परिस्थिती समान आहे. आतापर्यंत झालेल्या सात सामन्यांपैकी दोन्ही संघांनी प्रत्येकी फक्त दोन सामने जिंकले आहेत. पण, सनरायझर्स हैदराबाद चांगल्या नेट रन रेटमुळे नवव्या स्थानावर तर दिल्ली कॅपिटल्स दहाव्या क्रमांकावर आहे. दिल्ली कॅपिटल्सने सलग मागील दोन सामन्यांमध्ये विजय मिळवला आहे. तर हैदराबादने सलग तीन सामने गमावले आहेत.
IPL 2023 : हेड टू हेड आकडेवारी पाहा काय सांगते...
इंडियन प्रीमियर लीग (Indian Premier League) मध्ये दिल्ली (DC) आणि हैदराबाद (SRH) या दोन संघांमध्ये आतापर्यंत 22 सामने खेळवण्यात आले आहेत. दोन्ही संघांची परिस्थिती सारखी आहे. दिल्ली आणि हैदराबाद संघाने आयपीएलमध्ये आतापर्यंत प्रत्येकी 11-11 सामने जिंकले आहेत. दोन्ही संघांची सरासरी धावसंख्या 200 आहे.
Arun Jaitley Stadium Pitch Report : कशी असेल खेळपट्टी?
दिल्लीतील अरुण जेटली स्टेडियमच्या (Arun Jaitley Stadium) मैदानावर अनेक वेळा मोठ्या धावसंख्येचे सामने पाहायला मिळाले आहेत. आयपीएलमध्ये अनेकवेळा या मैदानावर संघाने 200 च्या पुढे धावा केल्या आहेत. अरुण जेटली स्टेडियमची खेळपट्टी टी-20 सामन्यात फलंदाजांसाठी अधिक फायदेशीर ठरली आहे. अरुण जेटली स्टेडियमची खेळपट्टी फलंदाजीसाठी चांगली मानली जाते. येथे चेंडू बॅटवर चांगला येतो आणि फलंदाज याचा आनंद घेतात.
KKR vsGT, IPL 2023 : कधी आणि कुठे होणार सामना?
कोलकाता (KKR) आणि गुजरात (GT) यांच्यात 29 एप्रिलला लढत पाहायला मिळणार आहे. हा सामना कोलकातामधील ईडन गार्डन स्टेडियमवर दुपारी 3.30 वाजता पार पडणार आहे. दुपारी 3 वाजता नाणेफेक होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
हैदराबादचा नऊ धावांनी विजय
हैदराबादचा नऊ धावांनी विजय...
मार्शने दिल्लीचा डाव सावरला
साल्ट आणि मिचेल मार्श यांनी दिल्लीचा डाव सावरला आहे. वॉर्नर शून्यावर तंबूत परतला होता.
दिल्लीला पहिला धक्का
198 धावांचा पाठलाग करताना दिल्लीला पहिला धक्का बसला, कर्णधार डेविड वॉर्नर स्वस्तात तंबूत परतला.
दिल्लीला विजयासाठी 198 धावांचे आव्हान
अभिषेक शर्मा याचे वादळ आणि कालसन याच्या झंझावाताच्या बळावर हैदाराबादने निर्धारित 20 षटकात सहा विकेटच्या मोबदल्यात 197 धावांपर्यंत मजल मारली. अभिषेक शर्मा आणि हेनरिक कालसन यांनी वादळी खेळी केली. दिल्लीकडून मिचेल मार्श याने चार विकेट घेतल्या. दिल्लीला विजयासाठी 198 धावांचे आव्हान आहे.
अभिषेक शर्माचे वादळी अर्धशतक -
सलामी फलंदाज अभिषेक शर्मा याने वादळी अर्धशतक झळकावले. अभिषेक शर्मा याने हैदराबादच्या डावाला आकार दिला. एका बाजूला विकेट पडत असताना अभिषेक शर्मा याने हैदराबादची धावसंख्या वाढवली. अभिषेक शर्मा याने 36 चेंडूत 67 धावांची खेळी केली. या खेळीत अभिषेक शर्मा याने 12 चौकार आणि एक षटकार लगावला. अभिषेक शर्माने मयंकासोबत 21, त्रिपाठीसोबत 23, एडन मार्करमसोबत 39 आणि कालसनसोबत 26 धावांची भागिदारी केली.
महत्त्वाच्या बातम्या
ट्रेंडिंग न्यूज
