DC vs RCB, IPL 2023 Live: दिल्ली आणि आरसीबी यांच्यात लढत, लाईव्ह अपडेट एका क्लिकवर
DC vs RCB Live Score: आज दिल्लीच्या घरच्या मैदानावर रॉयल चॅलेंजर्स बंगळुरु (RCB) आणि दिल्ली कॅपिटल्स (DC) यांच्यात रणसंग्राम पाहायला मिळणार आहे.
LIVE
Background
IPL 2023, Match 50, DC vs RCB : इंडियन प्रीमियर लीगमधील (Indian Premier League) 50 वा सामना रॉयल चॅलेंजर्स बंगळुरु (Royal Challengers Bangalore) आणि दिल्ली कॅपिटल्स (Delhi Capitals) यांच्यात रंगणार आहे. आज, 6 मे रोजी दिल्लीच्या घरच्या मैदानावर आज या दोन संघांमध्ये लढत पाहायला मिळणार आहे. दिल्लीतील अरु जेटली स्टेडिअमवर (Arun Jaitley Stadium) संध्याकाळी 7.30 वाजता हा सामना रंगणार आहे. आरसीबी संघ सध्या गुणतालिकेत पाचव्या क्रमांकावर असून दिल्ली संघ सर्वात शेवटच्या दहाव्या क्रमांकावर आहे.
IPL 2023 DC vs RCB : आरसीबी आणि दिल्ली आमने-सामने
आज दिल्लीच्या घरच्या मैदानावर रॉयल चॅलेंजर्स बंगळुरु (RCB) आणि दिल्ली कॅपिटल्स (DC) यांच्यात रणसंग्राम पाहायला मिळणार आहे. बंगळुरुनं मागील सामन्यात लखनौ संघाचा पराभव केला आहे. आता विजयी मार्गावर कायम राहण्यासाठी आरसीबी प्रयत्न करेल. दुसरीकडे दिल्ली कॅपिटल्सने मागच्या सामन्यात गतविजेता चॅम्पियन गुजरात टायटन्सचा पराभव केला आहे. आजच्या सामन्याकडे सर्वांचं लक्ष लागलं आहे.
DC vs RCB Head to Head : कुणाचं पारड जड?
इंडियन प्रीमियर लीग (Indian Premier League) मध्ये रॉयल चॅलेंजर्स बंगळुरु (Royal Challengers Bangalore) आणि दिल्ली कॅपिटल्स (Delhi Capitals) या दोन संघांमध्ये आतापर्यंत 29 सामने खेळवण्यात आले आहेत. यामध्ये बंगळुरुचं पारड जड दिसून आलं आहे. रॉयल चॅलेंजर्स बंगळुरुने 29 पैकी 18 सामने जिंकले आहेत. तर, दिल्ली कॅपिटल्स संघाला 10 सामने जिंकता आले आहेत. एक सामना ड्रॉ झाला. दोन्ही संघांची सर्वाधिक सरासरी धावसंख्या 190 आहे. या सामन्यात कोण बाजी मारणार याकडे सर्वांचं लक्ष लागलं आहे.
DC vs RCB, IPL 2023 : कधी आणि कुठे होणार सामना?
आरसीबी (RCB) आणि दिल्ली (DC) यांच्यात आज, 6 मे रोजी सामना रंगणार आहे. हा सामना दिल्लीतील अरुण जेटली स्टेडिअमवर संध्याकाळी 7.30 वाजता पार पडणार आहे. नाणेफेक संध्याकाळी 7.00 वाजता होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
Arun Jaitley Stadium Pitch report : कशी असेल खेळपट्टी?
अरुण जेटली स्टेडियमच्या मैदानावर अनेक उच्च मोठ्या धावसंख्येचे सामने पाहायला मिळाले आहेत. आयपीएलमध्ये अनेकवेळा या मैदानावर संघाने 200 च्या पुढे धावा केल्या आहेत. अरुण जेटली स्टेडियमची खेळपट्टी टी-20 सामन्यात फलंदाजांसाठी अधिक फायदेशीर ठरली आहे. अरुण जेटली स्टेडियमची खेळपट्टी फलंदाजीसाठी चांगली मानली जाते. येथे चेंडू बॅटवर चांगला येतो आणि फलंदाज याचा आनंद घेतात.
RCB vs DC IPL 2023 : दोन्ही संघांची संभाव्य प्लेईंग 11
IPL 2023, RCB Playing 11 : बंगळुरु संभाव्य प्लेईंग 11
विराट कोहली, फाफ डू प्लेसिस (कर्णधार), सुयश प्रभुदेसाई, महिपाल लोरमोरल, ग्लेन मॅक्सवेल, वानिंदू हसरंगा, दिनेश कार्तिक (विकेटकीपर), अनुज रावत, मोहम्मद सिराज, कर्ण शर्मा, जोश हेजलवुड.
IPL 2023, DC Playing 11 : दिल्ली संभाव्य प्लेईंग 11
डेव्हिड वॉर्नर (कर्णधार), मनीष पांडे, रिले रुसो, अमन हकीम खान, प्रियम गर्ग, अक्षर पटेल, रिपल पटेल, पीडी सॉल्ट (विकेटकिपर), एनरिक नॉर्टजे, कुलदीप यादव, इशांत शर्मा.
दिल्लीचा आरसीबीवर सात विकेटन विजय
दिल्लीचा आरसीबीवर सात विकेटन विजय...
दिल्लीला तिसरा धक्का
कर्ण शर्माने फिलिप साल्ट याला बाद केले.. ८१ धावांची खेळी केली
दिल्लीला दुसरा धक्का
मिचेल मार्शच्या रुपाने दिल्लीला दुसरा धक्का बसला.. मार्श २६ धावा काढून बाद झालाय
दिल्लीला पहिला धक्का
डेविड वॉर्नरच्या रुपाने दिल्लीला पहिला धक्का बसलाय. १४ चेंडूत वॉर्नरने २२ धावांची खेळी केली. हेजलवूडने वॉर्नरला बाद केले
फिल साल्ट आणि डेविड वॉर्नरची वादळी सुरुवात
फिल साल्ट आणि डेविड वॉर्नरची वादळी सुरुवात.... २७ चेंडूत ५७ धावा केल्या... साल्ट १५ चेंडूत ३४ धावांवर खेळत आहे.
महत्त्वाच्या बातम्या
ट्रेंडिंग न्यूज
