IPL 2022, SRH vs LSG : लखनौसमोर आज हैदराबादचे आव्हान, कधी, कुठे पाहाल सामना?

दमदार फलंदाज, गोलंदाज आणि अष्टपैलू खेळाडूंना घेऊन उतरणारे हे दोन्ही संघ सामना कोणत्याही वेळी पलटू शकतात, त्यामुळे आजचा सामना चुरशीचा होणार हे नक्की!

lucknow supergiants vs Sunrisers Hyderabad

SRH vs LSG : आयपीएलमध्ये आज दोन दमदार संघात लढत पार पडणार आहे. यामध्ये नव्याने सामिल झालेल्या लखनौ सुपरजायंट्ससमोर सनरायजर्स हैदराबाद संघाचं आव्हान असणार आहे. सनरायजर्स हैदराबाद विरुद्ध लखनौ सुपरजायंट्स हा सामना (LSG vs SRH) लखनौसाठी त्यांचा स्पर्धेतील दुसरा विजय मिळवण्यासाठी महत्त्वाचा असेल. त्यांनी आतापर्यंत एक विजय आणि एक पराभव मिळवला आहे. तर दुसरीकडे पराभवाने सुरुवात झालेल्या हैदराबादला आज पहिल्या विजयाची प्रतिक्षा असेल.  आयपीएलच्या यंदाच्या हंगामात महालिलावामुळे सर्व संघात फेरबदल झाले असून त्यामुळे सामनेही चुरशीचे होताना दिसत आहेत.

आयपीएलमध्ये आज लढणाऱ्या लखनौ आणि हैदराबाद संघाचा विचार करता दोन्ही संघाचे कर्णधार क्लासिक खेळाडू आहेत. लखनौची धुरा केएल राहुल तर हैदराबादची केन विल्यमसनकडे आहे. त्यामुळे आज एक चुरशीचा सामना क्रिकेट रसिकांना अनुभवता येऊ शकतो. 

कधी आहे सामना?

आज 4 एप्रिल रोजी होणारा हा सनरायजर्स हैदराबाद विरुद्ध लखनौ सुपरजायंट्स यांच्यातील सामना भारतीय वेळेनुसार सायंकाळी 7 वाजून 30 मिनिटांनी सुरु होईल. 7 वाजता नाणेफेक होईल.  

कुठे आहे सामना?

हा सामना नवी मुंबईतील डी.वाय. पाटील स्टेडियमवर खेळवला जाणार आहे.

कुठे पाहता येणार सामना?

सनरायजर्स हैदराबाद विरुद्ध लखनौ सुपरजायंट्स यांच्यातील सामना स्टार स्पोर्ट नेटवर्कवर पाहता येणार आहे. वेगवेगळ्या भाषेतून सामना पाहता येणार आहे. तसेच हॉटस्टार अॅपवरही सामना पाहता येईल. याशिवाय https://marathi.abplive.com/ येथेही तुम्हाला आयपीएलचे लाईव्ह कव्हरेज पाहाता येईल. 

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha