Vinesh Phogat Farmers Protest : 'हे पाहून वाईट वाटतं...' शेतकरी आंदोलनाला 200 दिवस पूर्ण झाल्यानंतर विनेश फोगाट भावुक
Farmers Protest : शंभू सीमेवर सुरू असलेल्या शेतकरी आंदोलनाला 200 दिवस पूर्ण झाले आहेत.
Farmers Protest At Shambhu Border : शंभू सीमेवर सुरू असलेल्या शेतकरी आंदोलनाला 200 दिवस पूर्ण झाले आहेत. आंदोलनाला 200 दिवस पूर्ण झाल्याच्या निमित्ताने शेतकरी मोठ्या संख्येने जमले आहेत. विशेष म्हणजे ऑलिम्पियन विनेश फोगाटनेही या आंदोलनात सहभाग घेतला आहे. फोगाट एक प्रमुख क्रीडा व्यक्तिमत्व आहे, त्यामुळे कार्यक्रमात शेतकऱ्यांकडून तिचा गौरव केला. आम्ही तुम्हाला सांगतो की, 13 फेब्रुवारीपासून शंभू सीमेवर शेतकरी उभे आहेत, पोलिसांनी त्यांना दिल्लीला जाण्यापासून रोखले आहे. इतर प्रमुख समस्यांव्यतिरिक्त आंदोलक सर्व पिकांसाठी किमान आधारभूत किंमत (MSP) कायदेशीर हमी देण्याची मागणी करत आहेत.
शेतकरी आंदोलनस्थळी पोहोचल्यानंतर कुस्तीपटू विनेश फोगाटने माध्यमांशी संवाद साधला. ती म्हणाली की, आंदोलनाला 200 दिवस झाले आहेत. येथे शेतकरी बसले आहेत. हे पाहून वाईट वाटते. शेतकरी या देशाचे नागरिक आहेत. शेतकरी देश चालवतात. त्यांच्याशिवाय काहीही शक्य नाही, अगदी खेळाडूंनाही नाही...जर त्यांनी आम्हाला खायला दिले नाही तर आम्ही स्पर्धा करू शकणार नाही. मी सरकारला त्यांचे म्हणणे ऐकून घेण्याची विनंती करते. त्यांच्या मागणीचा विचार व्हायला हवा. लोक असेच रस्त्यावर बसले तर देशाची प्रगती होणार नाही.
#WATCH | Shambhu border | On her disqualification from Olympics wrestling final and controversy, Vinesh Phogat says, "If you can, focus more on farmers' struggle today. I don't want the focus on me. I will call you and speak about it when it is the day..." pic.twitter.com/dHUU9voTX3
— ANI (@ANI) August 31, 2024
तर शेतकरी नेते सर्वनसिंह पंढेर म्हणाले की, आंदोलन शांततेत पण तीव्रतेने केले जात आहे. त्यांनी नमूद केले की केंद्र त्यांच्या संकल्पाची चाचणी घेत आहे, पण त्यांच्या मागण्या अद्याप पूर्ण झालेल्या नाहीत. ते पुढे म्हणाले की, "आम्ही पुन्हा एकदा सरकारसमोर आमच्या मागण्या मांडणार आहोत आणि नव्या घोषणाही केल्या जातील." आंदोलनाचे 200 दिवस पूर्ण होणे हा एक महत्त्वाचा टप्पा आहे, यावर त्यांनी भर दिला.
भारतीय जनता पक्षाला (BJP) बॉलीवूड अभिनेत्री आणि खासदार कंगना राणौतच्या विरोधात कठोर भूमिका घेण्याचे शेतकऱ्यांनी आवाहन केले आहे, ज्यांच्या टिप्पण्यांमुळे यापूर्वी शेतकरी समुदायामध्ये वाद आणि निषेध निर्माण झाला आहे.
आगामी हरियाणा निवडणुकीसाठी शेतकऱ्यांनी आपली रणनीती उघड करण्याचे संकेतही दिले आहेत. येत्या काही दिवसांत त्यांची पुढील पावले जाहीर करण्याची त्यांची योजना आहे आणि राज्याच्या राजकीय परिदृश्यात सक्रिय भूमिका निभावण्याचा त्यांचा इरादा आहे.
हे ही वाचा :
महत्त्वाच्या बातम्या
