IND vs SL, T20 : श्रीलंकेविरुद्ध टी20 संघात युवा खेळाडूंना संधी, उपकर्णधार म्हणून सूर्यकुमार यादवची वर्णी
IND vs SL : भारतीय क्रिकेट संघ आणि श्रीलंका संघ यांच्यात 2023 वर्षाच्या सुरुवातीलाच टी20 सामने रंगणार असून यासाठी बीसीसीआयने संघ जाहीर केला आहे.ज्यात बऱ्याच युवांना संधी दिली गेली आहे.
Team India for IND vs SL Series : भारतीय संघ (Team India) आता बांगलादेश दौऱ्यानंतर श्रीलंकेविरुद्ध दोन हात करण्यासाठी मैदानात उतरणार आहे. 3 जानेवारीपासून भारत आणि श्रीलंका (IND vs SL) यांच्यात टी20 सामन्यांना सुरुवात होणार आहे. या सामन्यांसाठी बीसीसीआयनं (BCCI) संघ देखील जाहीर केला आहे. यावेळी संघाचं कर्णधारपद हार्दिक पांड्या (Hardik Pandya) याच्याकडे दिलं गेलं असून विशेष म्हणजे सूर्यकुमार यादव (Suryakumar Yadav) याला उपकर्णधार केलं आहे. मुंबई इंडियन्सकडून दमदार कामगिरी केल्यावर मागील वर्षभर टी20 मध्ये कमाल कामगिरील करणारा सूर्या सध्या नंबर 1 टी20 बॅट्समन आहे, यामुळेच संघान त्याला ही मोठी जबाबदारी दिली आहे.
दुसरीकडे या टी20 संघात बऱ्याच युवा खेळाडूंना संधी दिली गेली आहे. यामध्ये शिवम मावी, मुकेश कुमार ही नावं दिसत असून मुकेशला नुकताच आयपीएल 2023 च्या ऑक्शनमध्ये कोट्यवधींची किंमत मिळाल्यावर थेट टीम इंडियात संधीही मिळाली आहे. यासह राहुल त्रिपाठी पुन्हा एकदा संघात असून यावेळी तरी त्याला अंतिम 11 मध्ये स्थान मिळणार का? हे पाहावे लागेल. ऋतुराज गायकवाडही संघात दिसत आहे. तर संजूलाही एकदिवसीय नाही पण टी20 संघात स्थान मिळालं आहे.
असा आहे भारताचा टी20 संघ-
हार्दिक पांड्या (कर्णधार), सूर्यकुमार यादव (उपकर्णधार), ईशान किशन (विकेटकिपर), ऋतुराज गायकवाड, शुभमन गिल, दीपक हुडा, राहुल त्रिपाठी, संजू सॅमसन, वॉशिंगटन सुंदर, युजवेंद्र चहल, अक्षर पटेल, अर्शदीप सिंह, हर्षल पटेल, उमरान मलिक, शिवम मावी, मुकेश कुमार
#TeamIndia squad for three-match T20I series against Sri Lanka.#INDvSL @mastercardindia pic.twitter.com/iXNqsMkL0Q
— BCCI (@BCCI) December 27, 2022
भारत विरुद्ध श्रीलंका टी20 सामन्यांचं वेळापत्रक-
| सामना | तारीख | ठिकाण | वेळ |
| पहिला टी20 सामना | 10 जानेवारी | बारास्परा क्रिकेट स्टेडियम, गुवाहाटी | दुपारी 2 वाजता |
| दुसरा टी20 सामना | 12 जानेवारी | ईडन गार्डन्स, कोलकाता | दुपारी 2 वाजता |
| तिसरा टी20 सामना | 15 जानेवारी |
ग्रीनफिल्ड क्रिकेट स्टेडियम, तिरुवनंतीपुरम |
दुपारी 2 वाजता |
हे देखील वाचा-
महत्त्वाच्या बातम्या
ट्रेंडिंग न्यूज
