SA Squad vs Ind T20 Series : वर्ल्ड कपमधील पराभवाचा दक्षिण आफ्रिका घेणार बदला... भारताविरुद्ध टी-20 मालिकेसाठी संघाची घोषणा!

South Africa announce squad vs India : भारत आणि दक्षिण आफ्रिका यांच्यात टी-20 मालिका होणार आहे.

South Africa squad for India T20Is

Source : ABP

South Africa squad for India T20Is : भारत आणि दक्षिण आफ्रिका यांच्यात टी-20 मालिका होणार आहे. या मालिकेतील पहिला सामना 8 नोव्हेंबरला खेळला जाणार आहे. या मालिकेसाठी टीम इंडियाने काही दिवसाआधीच आपला संघ जाहीर केला होता. पण आता या मालिकेसाठी दक्षिण आफ्रिकेने आपला संघ जाहीर केला आहे. संघात एकूण 15 खेळाडूंना संधी देण्यात आली आहे.  डेव्हिड मिलर आणि हेनरिक क्लासेनसारखे अनेक वरिष्ठ खेळाडू दक्षिण आफ्रिकेच्या संघात परतले आहेत. ज्याने 2024 च्या टी-20 वर्ल्ड कपमध्ये भारताविरुद्ध अंतिम पराभवानंतर एकही टी-20 आंतरराष्ट्रीय सामना खेळलेला नाही.

भारत विरुद्ध दक्षिण आफ्रिका मालिकेचे वेळापत्रक

भारत आणि दक्षिण आफ्रिका यांच्यातील चार सामन्यांची टी-20 मालिका 8 नोव्हेंबरपासून सुरू होत आहे. आता यासाठी दोन्ही संघांची घोषणा करण्यात आली आहे. सूर्यकुमार यादव टीम इंडियाचा कर्णधार असेल. दक्षिण आफ्रिकेचे नेतृत्व एडन मार्कराम करणार आहे. भारतीय संघात युवा खेळाडूंना संधी मिळाली आहे, तर दक्षिण आफ्रिकेच्या संघात वरिष्ठ खेळाडूंचा समावेश आहे. दरम्यान, पहिला सामना 8 नोव्हेंबरला तर दुसरा सामना 10 नोव्हेंबरला होणार आहे. मालिकेतील तिसरा सामना 13 नोव्हेंबरला तर शेवटचा सामना 15 नोव्हेंबरला होणार आहे.

▶️ Marco Jansen & Gerald Coetzee return to international cricket
▶️ No room for Anrich Nortje & Tabraiz Shamsi after they opted out of national contracts

The four-match series between the World Cup finalists kicks off in just over a weekhttps://t.co/pcm5lysLz6 | #SAvIND pic.twitter.com/1dzwCJHGhr

— ESPNcricinfo (@ESPNcricinfo) October 31, 2024

दक्षिण आफ्रिकेने दोन अनकॅप्ड खेळाडूंना संधी दिली आहे. अष्टपैलू मिहलाली मोंगवाना आणि अँडिले सिमेलेन यांचा समावेश आहे, जे नुकत्याच संपलेल्या टी-20 चॅलेंजमध्ये संयुक्त दुसऱ्या क्रमांकाचे सर्वाधिक विकेट घेणारे खेळाडू होते. स्पर्धेत 12 बळी घेणाऱ्या चार खेळाडूंमध्ये त्याचा समावेश होता. दोघेही अलीकडच्या काळात दक्षिण आफ्रिकेच्या संघाचा भाग आहेत. यासोबत टी-20 चॅलेंजमध्ये तिसऱ्या क्रमांकावर सर्वाधिक धावा करणाऱ्या डोनोव्हान फरेरा आणि पॅट्रिक क्रुगर यांचाही समावेश करण्यात आला आहे.

भारताविरुद्धच्या T20 मालिकेसाठी दक्षिण आफ्रिकेचा संघ -

एडन मार्कराम, ओटनीएल बार्टमन, गेराल्ड कोएत्झी, डोनोव्हन फेरेरा, रीझा हेंड्रिक्स, मार्को जॅन्सन, हेनरिक क्लासेन, पॅट्रिक क्रुगर, केशव महाराज, डेव्हिड मिलर, मिहलाली मपोंगवाना, नकाबा पीटर, रायन रिकेल्टन, एंडिले सिमेलेन, लुथो सिपाब्स ट्रायबॅब्स.

हे ही वाचा -