NED vs ENG : इंग्लंडचा तब्बल 232 धावांनी विजय, जोस बटलरसह तिघांची शतकं
NED vs ENG : इंग्लंड संघाने नेदरलँडवर तब्बल 232 धावांनी विजय मिळवलाय. इंग्लंडने दिलेल्या 498 धावांचा पाठलाग करताना नेदरलँडचा संघ 49.4 षटकांत 266 धावांपर्यंत मजल मारु शकला.
NED vs ENG : इंग्लंड संघाने नेदरलँडवर तब्बल 232 धावांनी विजय मिळवलाय. इंग्लंडने दिलेल्या 498 धावांचा पाठलाग करताना नेदरलँडचा संघ 49.4 षटकांत 266 धावांपर्यंत मजल मारु शकला. इंग्लंडकडून मोईन अलीने सर्वाधिक तीन विकेट घेतल्या. तर डेविड विली, सॅम करण आणि रासी तोप्ले यांनी प्रत्येकी दोन दोन विकेट घेतल्या. डेविड मलानला एक विकेट मिळाली. नेदरलँडकडून स्कॉट एडवर्ड्सने नाबाद 72 धावांची खेळी केली. त्याशिवाय मॅक्सवेल ओ 'डॉव्ड याने अर्धशतकी खेळी केली.
इंग्लंड संघाची कामगिरी (50 षटकांत चार बाद 498) -
जेसन रॉय (1), फिल साल्ट (122), डेविड मलान (125), जोस बटलर (नाबाद 162), इयॉन मॉर्गन (0), लियाम लिव्हिंगस्टोन (नाबाद 66)
नेदरलँड संघाची कामगिरी -
विक्रमजित सिंह (13), मॅक्सवेल ओ 'डॉव्ड (55), मुसा अहमद (21), टॉम कॉपर (23) बेस डि लीडे (28), स्कॉट एडवर्ड्स (नाबाद 72), लॉगन वेन ब्रीक (6), पीटर सीलार (25), शेन स्नेटर (4), अर्यन दत्त (0), फिलिप बोइस्सेवैन (5)
England start the three-match ODI series with a bang 💥#NEDvENG pic.twitter.com/A5BJFtcWXZ
— ICC (@ICC) June 17, 2022
दरम्यान, डेविड मलान, जोस बटलर आणि फिल साल्ट यांच्या वादळी शतकाच्या बळावर इंग्लंड संघाने एकदिवसीय क्रिकेटमध्ये विश्वविक्रम केला. इंग्लंडने प्रथम फलंदाजी करताना निर्धारित 50 षटकांत चार गड्यांच्या मोबदल्यात 498 धावांचा डोंगर उभारला. नेदरलँड संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना इंग्लंडची सुरुवात खराब झाली. जेसन रॉय अवघ्या एका धावेंवर माघारी परतला. पहिली विकेट झटपट पडल्यानंतर डेविड मलान आणि फिल साल्ट यांनी संघाचा डाव सावरला. दोघांनी द्विशतकी भागिदारी केली. दोघांनी तब्बल 223 धावांची भागिदारी करत मोठ्या धावसंख्येचा पाया रचला. फिल साल्ट याने 122 धावांची खेळी केली. तर डेविड मलान याने 125 धावांची वादळी खेळी केली.
जोस बटलरची वादळी खेळी -
आयपीएलमध्ये तुफानी खेळी करणाऱ्या जोस बटलरने नेदरलँडच्या गोलंदाजांची पिटाई केली. बटलरने अवघ्या 70 चेंडूत 162 धावांचा पाऊस पाडला. या खेळीरम्यान बटलरने तब्बल 14 षटकार आणि सात चौकार लगावले. बटलरशिवाय फिल साल्ट याने 93 चेंडूत 122 तर डेविड मलान याने 109 चेंडूत 125 धावांची खेळी केली.
लियाम लिव्हिंगस्टोनचं तुफान -
आयपीएलमध्ये षटकार चौकारांचा पाऊस पाडणाऱ्या लियाम लिव्हिंगस्टोन यानेही षटकारांचा पाऊस पाडला. लियाम लिव्हिंगस्टोन याने फक्त 22 चेंडूत 66 धावांची खेळी केली. या खेळीदरम्यान लियामने सहा चौकार आणि सहा षटकारांचा पाऊस पाडला.
चौकार-षटकारांचा पाऊस -
इंग्लंडच्या फलंदाजांनी पहिल्या एकदिवसीय सामन्यात चौकार आणि षटकारांचा पाऊस पाडला. इंग्लंडच्या फलंदाजांनी नेदरलँडच्या गोलंदाजांचा समाचार घेतला. 50 षटकात तब्बल 26 षटकार आणि 36 चौकारांचा पाऊस पाडला. सर्वाधिक षटकार जोस बटलरने लगावले. बटलरने तब्बल 14 षटकारांचा पाऊस पाडला. बटलरने 70 चेंडूत 162 तर लियामने 22 चेंडूत 66 धावांचा पाऊस पाडला.
नेदरलँडची कमकुवत गोलंदाजी -
नेदरलँडच्या एकाही गोलंदाजाला अचूक टप्प्यावर मारा करता आला नाही. प्रत्येक गोलंदाजाला प्रतिषटक आठ पेक्षा जास्त धावांनी चोप मिळाला. नेदरलँडकडून पिटर सीलार याने सर्वाधिक दोन विकेट घेतल्या. पण त्यासाठी त्याने 9 षटकात 83 धावा खर्च केल्या. नेदरलँडच्या Philippe Boissevain याच्या गोलंदाजीत तर धावांचा पाऊसच पडला. Philippe Boissevain याने 10 षटकांत तब्बल 108 धावा दिल्या.
महत्त्वाच्या बातम्या
