IND vs PAK : भारत-पाकिस्तानमध्ये उद्या फायनलचा थरार, कधी-कुठे होणार सामना?

ACC Emerging Men’s Asia Cup 2023 : इमर्जिंग एशिया कप 2023 ची फायनल पारंपारिक प्रतिस्पर्धी भारत अ आणि पाकिस्तान अ (India and Pakistan) संघामध्ये होणार आहे.

ACC Emerging Men’s Asia Cup 2023

ACC Emerging Men’s Asia Cup 2023 Final : इमर्जिंग एशिया कप 2023 ची फायनल पारंपारिक प्रतिस्पर्धी भारत अ आणि पाकिस्तान अ (India and Pakistan) संघामध्ये होणार आहे. भारताने बांगलादेशचा पराभव करत फायनलमध्ये प्रवेश केला तर पाकिस्तानने श्रीलंका संघाविरोधात विजय मिळवत फायनलचे तिकिट मिळवले. बुधवारी झालेल्या साखळी फेरीतील सामन्यात  भारताने पाकिस्तानचा पराभव केला होता. आता पुन्हा एकदा भारत आणि पाकिस्तान यांच्यामध्ये लढत होणार आहे. यामध्ये कोण बाजी मारत आशिया चषकावर नाव कोरतेय, हे पाहणं औत्सुक्याचे आहे.   या सामन्याकडे क्रीडा चाहत्यांचे लक्ष लागलेय. 

भारत आणि पाकिस्तान यांच्यात थरार-

इमर्जिंग एशिया कप स्पर्धेत भारताने निर्वादित वर्चस्व मिळवले आहे. आतापर्यंत भारताला एकाही सामन्यात पराभवाचा सामना करावा लागला नाही.  बांगलादेशचा पराभव करत भारताने फायनलमध्ये धडक मारली आहे. साई सुदर्शन, यश धुल आणि अभिषेक शर्मा यांनी फलंदाजी मोठे योगदान दिलेय. हर्षित राणा आणि राजवर्धन हंगरकेकर, निशांत सिंधू आणि मानव सुतार यांनी भेदक मारा केला. युएई आणि नेपाळ दोन्ही संघांना भारतीय गोलंदाजांनी ऑलआऊट केले होते. पाकिस्तान विरोधातही साखळी सामन्यात भारतीय संघाने बाजी मारली होती. आता फायनलमध्ये भारतीय संघ कशी कामगिरी करतो, याकडे सर्वांचे लक्ष लागलेय. 

पाकिस्ताननेही या स्पर्धेत दमदार कामगिरी करत फायनलचे तिकिट मिळावलेय. मोहम्मद वासिम आणि शहनवाज धानी यांनी मोठे योगदान दिलेय. कासिम अक्रम या 20 वर्षीय खेळाडूनेही आपल्या कामगिरीने प्रभावित केलेय.  कासिम अक्रम याच्या गोलंदाजीचा सामना करणे भारतीय फलंदाजांसाठी मोठं आव्हान असेल. त्याशिवाय एस फरहान Sahibzada Farhan आणि कामरान गुलाम यांनीही आपल्या कामगिरीने प्रभावित केलेय. या स्पर्धेत पाकिस्तान संघाला फक्त भारताविरोधात पराभवाचा सामना करावा लागला, हा अपवाद वगळता पाकिस्तानने प्रत्येक सामन्यात विजय मिळवलाय.

India Vs Pakistan in the Final of the Emerging Asia Cup...!!

What a comeback by India in the Semis - Bangladesh were 70/0 to 160/10. Yash Dhull and Nishant Sindhu the heroes! pic.twitter.com/vfFjJt0i5r

— Mufaddal Vohra (@mufaddal_vohra) July 21, 2023

कुठे आणि कधी होणार सामना ?

भारत ए आणि पाकिस्तान ए यांच्यातील इमर्जिंग एशिया कपमधील फायनल सामना श्रीलंका येथील कोलंबोच्या (R. Premadasa Stadium, Colombo) मैदानात होणार आहे. रविवारी दुपारी दोन वाजता सामन्याला सुरुवात होणार आहे. भारत आणि पाकिस्तान यांच्यातील कोणता संघ बाजी मारणार ? याकडे क्रीडा चाहत्यांचे लक्ष लागलेय. 

कुठे पाहता येणार सामना ?

इमर्जिंग एशिया कप 2023 मध्ये होणारा भारत आणि पाकिस्तान यांच्यातील सामना रविवारी दुपारी 2 वाजता सुरु होणार आहे. हा सामना फॅनकोड अॅप आणि संकेतस्थळावर पाहाता येणार आहे. त्याशिवाय स्टार स्पोर्ट्स नेटवर्कवरच्या चॅनलवरही (Star Sports Network) हा सामना चाहत्यांना पाहता येईल. 

IND vs PAK: Squads

India A: Sai Sudharsan, Abhishek Sharma (vc), Nikin Jose, Pradosh Ranjan Paul, Yash Dhull (c), Riyan Parag, Nishant Sindhu, Prabhsimran Singh (wk), Dhruv Jurel (wk), Manav Suthar, Yuvrajsinh Dodiya, Harshit Rana, Akash Singh, Nitish Kumar Reddy, Rajvardhan Hangargekar, Harsh Dubey, Nehal Wadhera, Snell Patel, Mohit Redkar

Pakistan A: Mohammad Haris (c & wk), Omair Bin Yousuf (vc), Amad Butt, Arshad Iqbal, Haseebullah, Kamran Ghulam, Mehran Mumtaz, Mubasir Khan, Mohammad Wasim Jnr, Qasim Akram, Sahibzada Farhan, Saim Ayub, Shahnawaz Dahani, Sufiyan Muqeem and Tayyab Tahir