IND Vs AUS 3rd Test Live Score Updates | विहारी-अश्विनची चिवट फलंदाजी, सिडनी कसोटी अनिर्णित

IND Vs AUS Sydney Test Live Score Updates : भारत आणि ऑस्ट्रेलिया संघ चार सामन्यांच्या मालिकेत 1-1 ने बरोबरीत आहेत. सिडनी कसोटीसाठी दोन्ही संघात प्रत्येकी दोन बदल करण्यात आहेत.

Background

IND Vs AUS Sydney Test Live Score Updates : सिडनी कसोटीचा दुसरा दिवस दोन्ही संघांसाठी चांगला ठरला असं म्हटलं तरी वावगं ठरणार नाही. दुसऱ्या दिवसाचा खेळ संपला तेव्हा भारताने दोन विकेट्सच्या मोबदल्यात 96 धावा केल्या आहे. पहिल्या डावात भारतीय संघ ऑस्ट्रेलियापासून अजूनही 242 धावांनी पिछाडीवर आहे. खेळ संपला त्यावेळी चेतेश्वर पुजारा 9 आणि अजिंक्य रहाणे 5 धावांवर खेळत आहेत.

ऑस्ट्रेलियन गोलंदाजांना भारताच्या दोन्ही सलामीवीरांना माघाडी धाडण्यात यश आलं. खरंतर दोघांनी भारतीय संघाला चांगली सुरुवात करुन दिली होती. दोघांनी मिळून 70 धावांची भागीदारी रचली. त्यानंतर रोहित शर्मा 26 धावांवर असताना हेजलवूडने त्याला बाद केलं. हेजलवूड स्वत:च्या चेंडूवर रोहितचा झेल टिपला. तर दुसरीकडे शुभमन गिलने आपल्या कसोटी क्रिकेटमधील पहिलं अर्धशतक पूर्ण केलं. त्याने 100 चेंडूत 8 चौकारांच्या मदतीने 50 धावा पूर्ण केल्या. परंतु तो पॅट कमिन्सचा शिकार ठरला. कॅमरुन ग्रीनने त्याचा झेल घेतला. त्यावेळी भारताची धावसंख्या 2 बाद 85 अशी होती.

रोहित शर्मा आणि शुभमन गिल बाद झाल्यानंतर भारताच्या धावसंख्येचा वेग मंदावला. दुसऱ्या दिवसाचा खेळ संपेपर्यंत पुजारा आणि अजिंक्य रहाणे या दोघांना 11 धावांचीच भर टाकता आली.

दरम्यान ऑस्ट्रेलियाचा पहिला डाव 338 धावांवर आटोपला. या मालिकेत ऑस्ट्रेलियाने पहिल्यांदाच 300 धावांचा टप्पा पार केला. स्टीव स्मिथचा फॉर्म परत येणं ही ऑस्ट्रेलियासाठी दिलासादायक गोष्ट आहे. स्मिथच्या 131, लाबुशेनच्या 91 आणि पुकोवस्तीच्या 62 धावांच्या मदतीने ऑस्ट्रेलियाने पहिल्या डावात 338 धावा केल्या.

तर भारतासाठी रवींद्र जडेजाने चार, जसप्रीत बुमरा आणि नवदीप सैनीने प्रत्येकी दोन तर मोहम्मद सिराजने एक विकेट घेतली.

 

भारतीय संघ : रोहित शर्मा, शुभमन गिल, चेतेश्वर पुजारा, अजिंक्य रहाणे (कर्णधार), हनुमा विहारी, रिषभ पंत (यष्टीरक्षक), रविंद्र जडेजा, रविचंद्रन अश्विन, मोहम्मद सिराज, जसप्रीत बुमरा, नवदीप सैनी.

 

आस्ट्रेलिया : डेव्हिड वॉर्नर, विल पुकोवस्की, मार्नस लाबुशेन, स्टीव स्मिथ, मॅथ्यू वेड, कॅमरुन ग्रीन, टिम पेन (कर्णधार आणि यष्टीरक्षक), नॅथन लिऑन, पॅट कमिन्स, मिशेल स्टार्क, जोश हेजलवूड.

12:43 PM (IST)  •  11 Jan 2021

हनुमा विहारी आणि आर अश्विनच्या चिवट खेळीमुळे भारतीय संघाला ऑस्ट्रेलियाविरुद्धचा तिसरा कसोटी सामना अनिर्णित राखण्यात यश मिळवलं. आर अश्विनने 130 आणि हनुमा विहारीने 160 चेंडू खेळून काढले. त्यामुळे भारताने या सामन्यात पराभव टाळला. विशेष म्हणजे दुखापत होऊनही हनुमा विहारीने 160 चेंडू खेळला. हा सामना जिंकून मालिकेत आघाडी घेण्याच्या स्वप्नांवर विहारी आणि अश्विन यांनी विरजण टाकलं. परिणामी बॉर्डर-गावस्कर मालिकेत भारत आणि ऑस्ट्रेलिया संघ 1-1 असे बरोबरीत आहेत.

09:47 AM (IST)  •  11 Jan 2021

सिडनी कसोटीच्या अखेरच्या दिवसाच्या चहापानाची वेळ झाली आहे. या सत्रात ऑस्ट्रेलियाने वर्चस्व गाजवलं. भारताने या सत्रात 74 धावा केल्या पण पंत-पुजारा हे महत्त्वाचे विकेट्स गमावले. चहापानापर्यंत भारताने 5 विकेट्सच्या मोबदल्यात 280 धावा केल्या होत्या. टीम इंडियाला विजयासाठी अजूनही 127 धावांची गरज आहे. हनुमा विहारी चार आणि अश्विन सात धावांवर खेळत आहेत.

09:14 AM (IST)  •  11 Jan 2021

हेझलवुडने ऑस्ट्रेलियाला आजच्या दिवसातील सर्वात मोठा विकेट मिळवून दिला आहे. चेतेश्वर पुजारा 77 धावांवर बाद झाला आहे. टीम इंडियाने आपला पाचवा विकेट गमावला आहे. आता 44 ओव्हर्सचा खेळ बाकी आहे. ऑस्ट्रेलियाने पंत आणि पुजाराचा विकेट घेत सामन्यात वापसी केली आहे. टीम इंडियाला विजयासाठी आणखी 135 धावांची गरज आहे.

06:20 AM (IST)  •  11 Jan 2021

रिषभ पंतने केवळ 64 चेंडूंमध्ये आपलं अर्धशतक पूर्ण केलं आहे. नॅथन लायनच्या षटकात पंतने सलग दोन षटकार लगावले. आपली 50 धावांची खेळी पंतने चार चौकार आणि तीन षटकारांनी सजवली. दुसरीकडे चेतेश्वर पुजारा तळ ठोकून आहे.

07:13 AM (IST)  •  11 Jan 2021

पाचव्या दिवसाचं पहिल सत्र भारताच्या नावावर राहिलं. या सत्रात भारताने कर्णधार अजिंक्य रहाणेची विकेट गमावली असली तरी 108 धावाही केल्या. उपाहारापर्यंत भारताने तीन विकेट्सच्या मोबदल्यात 206 धावा केल्या आहेत. रिषभ पंत 73 धावा करुन खेळत आहे तर चेतेश्वर पुजाराने 41 धावा केल्या आहेत. दोघांनी 104 धावांची भागीदारी केली आहे.