Team India Squad : पांड्या अन् गिलचा पत्ता कट? BCCI 'या' खेळाडूच्या खांद्यावर देणार उपकर्णधारपदाची जबाबदारी; रिपोर्टमध्ये मोठा खुलासा

आयसीसी चॅम्पियन्स ट्रॉफी 2025 पुढील महिन्यात म्हणजेच फेब्रुवारीपासून सुरू होणार आहे, ज्याचे आयोजन पाकिस्तान करेल. पण टीम इंडिया पाकिस्तानचा दौरा करणार नाही,

Jasprit Bumrah India New Vice-Captain

Source : ABP

Team India squad for 2025 Champions Trophy : आयसीसी चॅम्पियन्स ट्रॉफी 2025 पुढील महिन्यात म्हणजेच फेब्रुवारीपासून सुरू होणार आहे, ज्याचे आयोजन पाकिस्तान करेल. पण टीम इंडिया पाकिस्तानचा दौरा करणार नाही, तर भारताचे सामने दुबईत होणार आहेत. चॅम्पियन्स ट्रॉफीपूर्वी भारतीय संघाला इंग्लंडविरुद्ध पांढऱ्या चेंडूंची मालिका खेळायची आहे. दरम्यान, टीम इंडिया ऑस्ट्रेलिया दौऱ्यावर होती आणि तिथे 5 सामन्यांची कसोटी मालिका खेळली गेली. आता असाच एक रिपोर्ट समोर येत आहे, ज्यामध्ये बुमराहला मोठी जबाबदारी मिळू शकते असे बोलले जात आहे.

बुमराहला मिळणार मोठी जबाबदारी?

भारतीय क्रिकेटमध्ये अलीकडच्या काळात बरेच काही घडले आहे. गेल्या वर्षी श्रीलंकेविरुद्धच्या एकदिवसीय सामन्यात हार्दिकला उपकर्णधारपदावरून हटवून शुभमन गिलकडे जबाबदारी सोपवण्यात आली होती. मात्र, आता मीडिया रिपोर्ट्समध्ये आणखी एक मोठी बातमी समोर आली आहे. वृत्तानुसार, हार्दिक किंवा गिल या दोघांनाही उपकर्णधारपद दिले जाणार नाही. 

जसप्रीत बुमराहला चॅम्पियन्स ट्रॉफी 2025 मध्ये टीम इंडियाचा उपकर्णधार बनवले जाऊ शकते. रोहित शर्माची कर्णधारपदी निवड निश्चित असल्याचंही रिपोर्टमध्ये सांगण्यात आलं आहे. जर बुमराह पूर्णपणे तंदुरुस्त असेल तर त्याच्याकडे उपकर्णधारपदाची जबाबदारी मिळणार हे निश्चित आहे.

चॅम्पियन्स ट्रॉफीसोबतच इंग्लंडविरुद्धच्या आगामी तीन सामन्यांच्या एकदिवसीय मालिकेसाठीही संघाची घोषणा केली जाणार आहे. दोन्ही संघात फारसा बदल होण्याची शक्यता कमी आहे. चॅम्पियन्स ट्रॉफीपूर्वी खेळाडूंची कसोटी पाहण्यासाठी इंग्लंडची मालिका उपयुक्त ठरणार आहे. त्यामुळे तयारीची माहिती मिळू शकेल. भारत आणि इंग्लंड यांच्यातील एकदिवसीय मालिका 6 फेब्रुवारीपासून सुरू होणार आहे. बुमराहला उपकर्णधार बनवण्यात आले असले तरी, तो इंग्लंडविरुद्धच्या एकदिवसीय मालिकेतील आणखी सामने गमावू शकतो. तो फक्त एक किंवा दोन वनडे खेळू शकतो.

🚨 JASPRIT BUMRAH AS VICE CAPTAIN 🚨

- Jasprit Bumrah likely to be the Deputy for Rohit Sharma in the Champions Trophy 2025. [Sahil Malhotra from TOI] pic.twitter.com/WSISdpOgsX

— Johns. (@CricCrazyJohns) January 6, 2025

ऑस्ट्रेलिया दौऱ्यात झाली दुखापत

वेगवान गोलंदाज जसप्रीत बुमराहने ऑस्ट्रेलिया दौऱ्यावर 5 कसोटी सामन्यांच्या मालिकेत सर्वाधिक 32 विकेट घेतल्या आहेत. पण पाचव्या कसोटीच्या पहिल्या डावात त्याला दुखापत झाली. दुसऱ्या डावात तो स्टेडियममधून रुग्णालयात गेला, तेथे त्याचे स्कॅनिंग करण्यात आले. खरंतर, बुमराला पाठीच्या दुखण्याने त्रास होत होता. त्यानंतर बुमराहला गोलंदाजी करता आली नाही, त्यामुळे संघाला पराभवाचा सामना करावा लागला.

हे ही वाचा -