ENG vs IND: भारताविरुद्ध कसोटी जिंकल्यानंतर ईसीबीकडून विराट ट्रोल, चाहते भडकले!

ENG vs IND: बर्मिंगहॅम कसोटी सामन्यात इंग्लंडनं भारताला पराभूत केल्यानंतर ईसीबी आणि बार्मी आर्मीनं भारताचा माजी कर्णधार विराट कोहलीला (Virat Kohli) ट्रोल केलं.

ENG vs IND

ENG vs IND: बर्मिंगहॅम कसोटी सामन्यात इंग्लंडनं भारताला पराभूत केल्यानंतर ईसीबी आणि बार्मी आर्मीनं भारताचा माजी कर्णधार विराट कोहलीला (Virat Kohli) ट्रोल केलं. भारतीय संघ गेल्या वर्षी पाच सामन्यांची कसोटी मालिका खेळण्यासाठी इंग्लंड दौऱ्यावर गेला होता. या दौऱ्यात भारतानं 2-1 अशी आघाडी घेतली होती. परंतु, कोरोनामुळं या मालिकेतील अखेरचा कसोटी सामना पुढे ढकलण्यात आला. जो सामना 1- 5 जुलै 2022 दरम्यान बर्मिंगहॅमच्या एजबॅस्टन क्रिकेट मैदानावर खेळण्यात आला. या सामन्यात जो रूट आणि जॉनी बेअरस्टोच्या दमदार खेळीच्या जोरावर इंग्लंडनं सात विकेट्सनं जिंकला. ज्यामुळं पाच सामन्यांची कसोटी मालिका 2-2 नं बरोबरीत सुटली.

ईसीबीकडून विराट ट्रोल
बर्मिंगहॅम कसोटी सामन्यात विजय मिळवल्यानंतर इंग्लंडच्या संघात आनंदाचं वातावरण पाहायला मिळालं. दरम्यान, विजयाच्या उत्साहात इंग्लंडनं विराट कोहलीला ट्रोल केलं. ईसीबीनं ट्विटर अकांऊटवरून एक फोटो शेअर केला. ज्यात विराट कोहली बेअरस्टोला गप्प राहण्याचा इशारा देत आहे. तर, दुसऱ्या फोटोत विराट कोहली बेअरस्टोला विजयाच्या शुभेच्छा देताना दिसत आहे. जॉनी बेअरस्टोनंच विराट कोहलीला गप्प केलंय, असा ईसीबीच्या फोटोचा अर्थ होतोय. 

ट्वीट-

ट्वीट-

ट्वीट-

विराट कोहली- जॉनी बेअरस्टोचा वाद
बर्मिंगहॅम कसोटी सामन्यातील दिसऱ्या दिवशीच्या सुरुवातीला विराट कोहली आणि जॉनी बेअरस्टो यांच्यात वाद झाल्याचं पाहायला मिळालं. पंचाच्या मध्यस्तीनंतर दोघांमधील वाद मिटला. ज्याचा व्हिडिओ सोशल मीडियावर व्हायरल झाला होता. याच सामन्यात जॉनी बेअरस्टोनं शतक झळकावून इंग्लंडचा दुसरा डाव सावरला. त्यानंतर दुसऱ्या डावातही त्यानं शतक झळकावून इंग्लंडच्या विजयाचा पाया रचला. ज्यानंतर विराट कोहलीला ट्रोल करण्यात आलं. यावर भारतीय क्रिकेट चाहत्यांनी नाराजी दर्शवली. तसेच तिन्ही फॉरमॅटचा विचार केला तर तुमचा जॉनी कोहलीच्या जवळपासही नाही, असं एका चाहत्यांनी रिप्लाय दिलाय. 

नेटकऱ्यांचं बार्मी आर्मीला उत्तर
याशिवाय, बार्मी आर्मी ट्विटर हॅंडवरूनही विराट कोहलीवर टीका करण्यात आली. मागील 18 महिन्यात विराट कोहलीनं जितक्या धावा केल्या नाहीत, तेवढ्या धावा जॉनी बेअरस्टोनं फक्त 25 दिवसांत करून दाखवल्या आहेत. त्यानंतर भडकलेल्या एका चाहत्यानं म्हटलंय की, "जो रूटनं एकदिवसीय आणि टी-मध्ये एकूण 43 शतक झळकावली आहेत. इतके शतक तर, विराटनं फक्त एकदिवसीय सामन्यात ठोकले आहेत."

हे देखील वाचा-