दूध आंदोलनाचा दुसरा दिवस, राज्यभरात पडसाद

पालघरमध्ये स्वाभिमानी शेतकरी संघटनेच्या कार्यकर्त्यांनी गुजरातकडून मुंबईकडे जाणारे दुधाचे टँकर दापचरी इथे अडवले असून खासदार राजू शेट्टी आंदोलनस्थळी उपस्थित होते.

स्वाभिमानी शेतकरी संघटनेच्या दूध आंदोलनाचे पडसाद संपूर्ण महाराष्ट्रात पाहायला मिळत आहेत. मुंबई आणि इतर शहरांचा दूध पुरवठा रोखून आपल्या मागण्या मान्य करून घेणे हा स्वाभिमानी संघटनेच्या आंदोलनाचा मुख्य हेतू होता. मात्र स्वाभिमानीच्या आंदोलनाचा हेतू साध्य होताना दिसत नाही. कारण मुंबईचा दूध पुरवठा आंदोलनाच्या दुसऱ्या दिवशीही सुरळीत सुरु आहे.