In Pics : महाराष्ट्र पुरुष आणि महिला खो-खो संघाची विजयी घोडदौड सुरुच, पुरुषांसह महिला संघ उपउपांत्यपूर्व फेरीत

Sports News : 55 व्या पुरुष आणि महिला राष्ट्रीय अजिंक्यपद खो-खो स्पर्धेत महाराष्ट्राच्या पुरुष आणि महिला दोन्ही संघानी आपली विजयी घोडदौड कायम ठेवली आहे.

Kho Kho Sports News

महाराष्ट्रात सुरु 55 व्या राष्ट्रीय अजिंक्यपद पुरुष-महिला स्पर्धेत महाराष्ट्राच्या पुरुष आणि महिला अशा दोन्ही संघानी विजयी कामगिरी कायम ठेवली आहे.

नुकत्याच झालेल्या सामन्यात पुरुषांनी मध्य भारत संघावर तर महिलांनी उत्तर प्रदेशवर विजय मिळवत उपउपांत्यपूर्व फेरी गाठली आहे.

आता उपउपांत्यपूर्व फेरीत महाराष्ट्र पुरुषांमध्ये गुजरात विरुध्द तर महिलांचा संघ आंध्र प्रदेश विरुध्द मैदानात उतरणार आहे.

आजच्या दिवसाचा विचार करता सकाळच्या सत्रात महिला गटाच्या सामन्यात महाराष्ट्राने आपल्या खेळाची चमक दाखवत उत्तर प्रदेशचा 29-9  असा दणदणीत पराभव केला.

पुरुष गटात महाराष्ट्राने मध्यभारतवर 21-9 अशी एका डावाने बाजी मारली.

महिला संघात प्रियंका इंगळेने 8 गुण मिळवले. अपेक्षा सुतार आणि दिपाली राठोड यांनी प्रत्येकी 3 गुण मिळवताना प्रियंकाला चांगली साथ दिली.  पुजा आणि संपदा मोरे यांनी प्रत्येकी 2 गुण मिळवले.

तर रेश्मा राठोड, स्नेहल जाधव, प्रिती काळे यांनी प्रत्येकी 1 गुण मिळवत डावच्या विजयात मोलाचा वाटा उचलला.

पुरुषांमध्ये महाराष्ट्राच्या ऋषिकेश मुर्चावडे 4 गुण, लक्ष्मण गवस, निहार दुबळे, सुरज लांडे यांनी प्रत्येकी 3 गुण मिळवले.

अनिकेत पोटे, गजानन शेंगाळ यांनी प्रत्येकी 2 गुण मिळवण्यात यश मिळवल.

तर अक्षय भांगरे, रामजी कशब, प्रतीक वाईकर यांनी प्रत्येकी 1 गुण मिळवला.  महाराष्ट्राने संरक्षण करताना प्रतीक वाईकर 3 मि. संरक्षण, लक्ष्मण गवस 2.40  मि. संरक्षण,  ऋषिकेश मुर्चावडे 1.30 मि. आणि रामजी कश्यप 1.10 मी  संरक्षण करुन निवृत्ती स्विकारली. मध्यंतराच्या 21.05 अशा  स्थितीनंतर महाराष्ट्राने मध्यभारतवर फॉलोऑन देत पुन्हा संरक्षण केले. त्यावेळी महाराष्ट्राच्या दिलीप खांडवी2.30  मि. संरक्षण, आदित्य गणपुले 2.10 मि. संरक्षण, गजानन शेंगाळ1.50 मि. संरक्षण, अनिकेत पोटे 1.10 मि. संरक्षण आणि अक्षय भांगरे याने 1.20  मि. नाबाद संरक्षण केले.