IPL 2022 : अखेरच्या लीग सामन्यात पंजाबचा दिमाखदार विजय, हैदराबादवर 5 विकेट्सनी विजय

पंजाब किंग्स

आयपीएल 2022 मधील 70 व्या सामन्यात पंजाब किंग्स संघाने सनरायजर्स हैदराबादवर 5 गडी राखून विजय मिळवला.

आयपीएल 2022 मधील 70 व्या सामन्यात पंजाब किंग्स संघाने सनरायजर्स हैदराबादवर 5 गडी राखून विजय मिळवला.

पहिली फलंदाजी करणाऱ्या हैदराबादची सुरुवात खराब झाली अवघ्या 4 धावा करुन सलामीवीर प्रियाम बाद झाला. 

प्रियाम बाद झाल्यानंतर अभिषेक शर्माने डाव सावरण्याचा प्रयत्न केला. पण त्याला खास साथ मिळाली नाही. इतर खेळाडू काही धावा करत तंबूत परतले. 

अभिषेक शर्माने केवळ 43 धावांची एकहाती झुंज दिली. त्याच्या खेळीमुळे संघाची धावसंख्या 157 धावांपर्यंत पोहोचली.

पंजाबकडून नॅथन अॅलीस आणि हरप्रीत ब्रार यांनी सर्वाधिक प्रत्येकी 3 विकेट्स घेतल्या. तर कागिसो रबाडा याने देखील एक विकेट घेतली. 

158 धावांच्या लक्ष्याचा पाठलाग करण्यासाठी मैदानात आलेल्या पंजाब संघाकडून बेअरस्टो आणि धवन जोडीच्या मदतीने चांगली सुरुवात केली.

पण बेअरस्टो 23 धावांवर बाद झाला. शिखर मात्र टिकून होता. 

शाहरुखने आणि जितेश यांनी प्रत्येकी 19 धावांची महत्त्वपूर्ण खेळी केली.

लियाम याने मात्र अत्यंत तुफान खेळी केली. त्याने 22 चेंडूत नाबाद 49 धावा केल्या. यावेळी 2 चौकार आणि 5 षटकार त्याने ठोकले. ज्यामुळे पंजाबने 15.1 षटकातचं आव्हान पार करत स्पर्धेचा शेवट गोड केला.