Under 19 World Cup : भारताला अंडर 19 विश्वचषक जिंकवून देणारे कर्णधार, पाहा यादी

Virat Kohli

भारतानं नुकतंच अंडर-19 विश्वचषकावर नाव कोरलं. याआधीही भारताने 2000, 2008, 2012, 2018 साली या विश्वचषकावर नाव कोरलं आहे

यंदा भारताने कर्णधार यश धुलच्या नेतृत्त्वाखाली विश्वचषक जिंकला.

सर्वात आधी 2000 साली भारतीय संघात खालच्या फळीतील उत्कृष्ट फलंदाज आणि उत्तम क्षेत्ररक्षक मोहम्मद कैफ याच्या नेतृत्त्वाखाली विश्वचषक भारताने जिंकला होता. .

2000 सालानंतर 2008 साली भारताने पुन्हा एकदा अंडर 19 विश्वचषकावर नाव कोरलं. यावेळी कर्णधार होता भारतीय क्रिकेट इतिहासातील सर्वोत्कृष्ट खेळाडूंपैकी एक असणारा विराट कोहली.

या यादीतील असा एकमेव खेळाडू ज्याला भारतीय संघात चमकण्याची संधी मिळाली नाही तो म्हणजे उन्मुक्त चंद. 2012 साली भारताला विश्वचषक जिंकवून देणारा कर्णधार उन्मुक्त आता भारताकडून क्रिकेट खेळत नाही.

2012 नंतर थेट 2018 मध्ये भारताने मुंबईकर पृथ्वी शॉच्या नेतृत्त्वाखाली अंडर 19 विश्वचषक उचलला.

यानंतर आता थेट 2022 साली भारताने अंतिम सामन्यात इंग्लंडला चार विकेट्सने मात देत स्पर्धा जिंकली आहे.

स्पर्धेच्या सुरुवातीच्या सामन्यांवेळी यशसह इतर काही खेळाडू कोरोनाबाधित झाले असताना निशांत सिंधू याने कर्णधारपद सांभाळला होतं.