एक्स्प्लोर

Independence Day: भारताव्यतिरिक्त कोणते देश 15 ऑगस्टला स्वातंत्र्य दिन साजरा करतात?

15 ऑगस्ट 1947 रोजी भारत स्वतंत्र झाला आणि तेव्हापासून दरवर्षी 15 ऑगस्टला हा विशेष दिवस साजरा केला जातो. पण आपल्यासोबतच आणखी काही देश देखील स्वातंत्र्यदिन साजरा करतात, हे तुम्हाला माहित आहे का?

By : एबीपी माझा वेब टीम | Updated at : 14 Aug 2023 01:48 PM (IST)

Independence Day 2023

1/10

भारत (India): भारताला 15 ऑगस्ट 1947 रोजी ब्रिटीशांच्या दीर्घकालीन गुलामगिरीतून स्वातंत्र्य मिळालं.

2/10

रिपब्लिक ऑफ कॉन्गो (Republic of the Congo): रिपब्लिक ऑफ कॉन्गो हा मध्य आफ्रिकन देश आहे, ज्याला 'काँगो-ब्राझाव्हिल' या नावानेही ओळखलं जातं. या देशाला 15 ऑगस्ट 1960 रोजी फ्रान्सपासून स्वातंत्र्य मिळालं. इथेही 15 ऑगस्ट रोजी स्वातंत्र्य दिन मोठ्या थाटात साजरा केला जातो.

3/10

दक्षिण कोरिया आणि उत्तर कोरिया (South Korea and North Korea): भारताला स्वातंत्र्य मिळाल्याच्या दोन वर्षांपूर्वी दक्षिण कोरिया आणि उत्तर कोरियाही स्वतंत्र झाले. पूर्वी कोरिया जपानच्या अधिपत्याखाली होता. 15 ऑगस्ट 1945 रोजी कोरियाला स्वातंत्र्य मिळालं. आता दोन्ही देश 15 ऑगस्टला राष्ट्रीय मुक्ती दिन (National Liberation Day) साजरा करतात.

4/10

लिकटेंस्टाईन (Liechtenstein): लिकटेंस्टाईन हा जगातील सर्वात लहान देशांपैकी एक आहे आणि तो युरोपमधील सर्वात लहान देश आहे. हा देश स्वित्झर्लंड आणि ऑस्ट्रियाने वेढलेला आहे. या देशाला 15 ऑगस्ट 1866 मध्ये जर्मन राजवटीपासून स्वातंत्र्य मिळालं.

5/10

बहरीन (Bahrain): बहरीन हा पर्शियन आखातातील एक महत्त्वाचा बेटांचा देश (Island Country) आहे. 15 ऑगस्ट 1971 रोजी या देशाला यूकेपासून (UK) स्वातंत्र्य मिळालं.

6/10

पाकिस्तान (Pakistan): भारत आणि पाकिस्तान देश देखील एकत्र स्वतंत्र झाले. पण थोड्या वेळाच्या फरकाने जसं भारतात 15 ऑगस्टला स्वातंत्र्यदिन साजरा केला जातो, तसाच पाकिस्तानात हा खास दिवस 14 ऑगस्टला साजरा करतात.

7/10

पाकिस्तानात स्वातंत्र्य दिन कसा साजरा होतो, माहित आहे का? तर पाकिस्तानमध्ये स्वातंत्र्य दिनाला 'स्वातंत्र्य दिन' तसेच 'योम-ए-आझादी' म्हणूनही ओळखलं जातं. त्यामुळे 14 ऑगस्टला पाकिस्तानातील लोक 'युम-ए-आझादी मुबारक' म्हणत एकमेकांना शुभेच्छा देतात.

8/10

दुसरीकडे, जर देशाच्या अधिकृत उत्सवाबद्दल बोलायचं झालं, तर हा मोठा कार्यक्रम पाकिस्तानची राजधानी असलेल्या इस्लामाबादमध्ये आयोजित केला जातो. या दिवशी पार्टमेंट हाऊस आणि प्रेसिडेन्सीमध्ये राष्ट्रध्वज फडकवला जातो. यासोबतच राजधानी इस्लामाबादमध्ये 31 तोफांची सलामी दिली जाते आणि राज्यांच्या राजधान्यांतही 21 तोफांची सलामी दिली जाते.

9/10

14 ऑगस्ट या दिवशी पाकिस्तानचे पंतप्रधान आणि राष्ट्रपती थेट प्रक्षेपणाद्वारे देशाला संबोधित करतात. यासोबतच राजकीय व्यक्ती रॅली काढतात, भाषणं देतात आणि भारताप्रमाणे शाळा, सरकारी कार्यालयं इत्यादी ठिकाणी ध्वजारोहण करून हा दिवस साजरा केला जातो.

10/10