Solapur News: सिद्धेश्वर महाराजांचा मिरवणूक मार्ग रांगोळीने सजला, रांगोळीतून समाज प्रबोधनाचाही प्रयत्न

सोलापूरचे ग्रामदैवत श्री सिद्धेश्वर महाराजांच्या यात्रेतील विवाह सोहळा आज संपन्न होत आहे.

Solapur News

सोलापूरचे ग्रामदैवत श्री सिद्धेश्वर महाराजांच्या यात्रेतील विवाह सोहळा आज संपन्न होत आहे.

त्यापूर्वी मानकरी हिरेहब्बू यांच्या वाड्यापासून सातही नंदीध्वजांची मिरवणूक निघाली आहे.

हिरेहब्बू वाडा ते सिद्धेश्वर मंदिर असा या मिरवणुकीचा मार्ग असतो. साधारण साडे तीन किलोमीटर अंतर या मिरवणूक मार्गाचा आहे.

या संपूर्ण मार्गावर संस्कार भारती या संघटनेतर्फे रांगोळी काढण्यात आली आहे.

साधारण 50 पोती रांगोळी आणि 1 हजार किलो रंगाचा वापर करून भव्य अशी रांगोळी काढण्यात आली आहे.

यासाठी संस्कार भारतीचे सुमारे 200 कार्यकर्ते परिश्रम घेतं होते. दरवर्षी या रांगोळीच्या माध्यमातून समाज प्रबोधन केले जाते.

यंदाच्या वर्षी देशाच्या स्वातंत्र्याचा अमृत महोत्सव असल्याने स्वातंत्र्याचा अमृत महोत्सव आणि आत्मनिर्भर भारत हा विषय घेऊन रांगोळी काढण्यात आली आहे.

विशेष म्हणजे श्लोक अहिल्यादेवी होळकर सोलापूर विद्यापीठाच्या कुलगुरू मृणालीनी फडणवीस यांनी या रांगोळीचे उद्घाटन केले.

तसेच मृणालिनी फडणवीस यांनी रांगोळी काढण्याचा आनंद घेतला. या भव्य दिव्य रांगोळीचा आढावा घेतलाय