Pune Accident : वेगवान दुचाकीची एसटी बसला धडक; दोन दुचाकीस्वार जागीच ठार

वेगवान दुचाकीची एसटी बसला धडक बसून अपघात झाला आहे.

Pune crime news

कल्याण नगर महामार्गांवर ओतूर जवळील कोळमाथा नामे शिवारात एसटी बसला दुचाकीची जोरदार धडक बसून आणि त्याच बरोबर पिकअप गाडी अपघात वाचवताना खड्ड्यात जाऊन पलटी होऊन भीषण अपघात झाला आहे.

दुचाकीवरील दोन जण जागीच ठार झाल्याची माहिती समोर येत आहे.

अपघाताची माहिती मिळताच ओतूर पोलीस स्टेशनचे सहाय्यक पोलीस निरीक्षक सचिन कांडगे यांच्या मार्गदर्शना खाली पोलीस हवलदार नामदेव बांबळे हे घटना स्थळी तातडीने हजर झाले होते.

image 4ही घटना कल्याण- नगर महामार्गवर आसणाऱ्या ओतूर शहराजवळ घडली आहे. पीकअप टेम्पोला वेगात ओहरटेक करताना समोरून आलेल्या एसटी बसला दुचाकीने समोरासमोर जोरदार धडक दिल्याने दुचाकीवरील एकजण जागीच ठार झाला.

दुसरा दुचाकीस्वार रुग्णालयात पोहचताना गतप्राण झाला आहे. गतप्राण झालेल्या दुचाकीस्वारापैकी एकजण ऋषिकेश वायकर रा.हिवरे (ता.जुन्नर) तर दुसरा ओंकार गाडेकर रा.घारगाव (ता अकोले) येथील असल्याची माहिती मिळाली आहे.

दुचाकीला वाचविण्याच्या प्रयत्नात पीकअप टेम्पो उलटला असून टेम्पोचे मोठ्या प्रमाणात नुकसान झाले आहे.

गेल्या काही दिवसापासून या महामार्गावर सत्तत्याने मोठे आपघात होत आहेत, या अपघातांमध्ये कित्तेकांनी आपला जीवदेखील गमावलेला आहे.

या महामार्गावर वाहनांची प्रचंड वर्दळ असल्याने याठिकाणी दुभाजकांची मागणी वेळोवेळी केली जात आहे, मात्र प्रशासन या मागणीकडे दुर्लक्ष करत असल्याचे दिसून येत आहे.