Video: अंजली दमानियांनी घेतली अजित पवारांची भेट; धनंजय मुंडेंच्या राजीनाम्याबाबत दिली माहिती, उद्या दुपारी 12 वाजता

अजित पवार धनंजय मुंडेंचा राजीनामा घेतील का, असा प्रश्न अंजली दमानिया यांना विचारण्यात आला होता.

anjali damani meeting with ajit pawar

Source : abp

मुंबई: बीडमधील सरपंच संतोष देशमुख हत्याप्रकरणात सातत्याने पाठपुरावा करुन देशमुख कुटुंबीयांना न्याय देण्याची मागणी करणाऱ्या, व आरोपींच्या अटकेसाठी सरकारवर दबाव टाकणाऱ्या सामाजिक कार्यकर्त्या अंजली दमानिया यांनी आज राज्याचे उपमुख्यमंत्री व राष्ट्रवादी काँग्रेसचे सर्वेसर्वा अजित पवार (Ajit pawar) यांची भेट घेतली. या भेटीनंतर माध्यमांशी बोलताना त्यांनी समाधान व्यक्त केलं असून 25 ते 30 मिनिटे दोघांमध्ये बीड व धनंजय मुंडेंसंदर्भात (Dhananjay munde) चर्चा झाली आहे. आमच्या दोघांमध्ये 20 ते 25 मिनिटे चर्चा झाली. उद्या दुपारी 12 वाजता त्यांची मुख्यमंत्र्यांसोबत बैठक आहे, मी जे पुरावे त्यांना दाखवले, कागदपत्रे दिली, त्या अनुषंगाने ते मुख्यमंत्र्यांसोबत चर्चा करणार आहेत. संतोष देशमुख यांच्यासोबत जे घडलं ते पुन्हा महाराष्ट्रात घडू नये, असे त्यांचेही म्हणणे आहे. त्यामुळे, मुख्यमंत्र्यांसोबत चर्चा केल्यानंतर ते धनजंय मुंडेंचा राजीनामा घेतील, असा विश्वास अंजली दमानिया (Anjali damania) यांनी व्यक्त केला.

अजित पवार धनंजय मुंडेंचा राजीनामा घेतील का, असा प्रश्न अंजली दमानिया यांना विचारण्यात आला होता. त्यावर, ज्या पद्धतीने त्यांनी माझ्याकडील बीडमधील दहशतीचे सगळे पुरावे, रील्स हे सगळं बघून घेतलं, समजून घेतलं, जे त्यांना आत्तापर्यंत माहिती नव्हतं. आज गंभीरपणे त्यांनी सगळं बघितलंय, त्यामुळे ते नक्कीच राजीनाम्याबाबत विचार करतील, असे अंजली दमानिया यांनी म्हटलं. तसेच, जर त्यांनी धनंजय मुंडेंच्या राजीनाम्याबाबत निर्णय न घेतल्यास ते योग्य होणार, असेही अंजली दमानिया यांनी म्हटलं.

मी बॅलन्सशी कंपनीच्या दिल्या आहेत. महाजनकोकडून आर्थिक नफा घेत असून राजश्री मुंडे, वाल्मिक कराड आणि धनंजय मुंडे यांचे सरळसरळ आर्थिक फायदे आहेत, हे दिसून येत आहे. गृहमंत्रालयाने मंत्री व आमदारांसाठी जे डायरेक्शन दिले आहेत, तेही मी अजित पवारांना दाखवले. त्यामुळे, हे सगळं गंभीर आहे असंही अजित पवारांनी म्हटलं आहे. त्यामुळे, ते मंत्रिपदाबाबत निर्णय घेतील. मात्र, राजीनाम्याबाबत निर्णय न घेतल्यास मी सर्वोच्च न्यायालयाच्या सरन्यायाधीशांकडे सुमोटो दाखल करुन संबंधित आमदाराची आमदारकी रद्द करण्याची मागणी करणार असल्याचंही अंजली दामानिया यांनी म्हटलं आहे. 

दरम्यान, अजित पवार आणि माझा 36 चा आकडा आहे, तरीही मी आज त्यांची भेट घेऊन बीडमधील दहशत आणि लोकप्रतिनीधींकडून होणाऱ्या गैरव्यवहार व गैरकृत्याची माहिती दिली. त्यांनी देखील माझं म्हणणं व्यवस्थीत ऐकून घेत गंभीरतेने दखल घेतल्याचं दमानिया यांनी म्हटलं आहे. 

हेही वाचा