Dagadusheth Halwai Ganpati: श्रीमंत दगडूशेठ हलवाई गणपतीला 11 हजार शहाळ्यांचा महानैवेद्य

शेतक-यांच्या समस्या दूर होण्यासोबत वैशाख वणव्यापासून सर्वांचे रक्षण व्हावे, याकरता महानैवेद्य दाखविण्यात आला.

Feature Photo

श्रीमंत दगडूशेठ हलवाई गणपतीला 11 हजार शहाळ्यांचा महानैवेद्य दाखविण्यात आला आहे.

शेतक-यांच्या समस्या दूर होण्यासोबत वैशाख वणव्यापासून सर्वांचे रक्षण व्हावे, याकरता महानैवेद्य दाखविण्यात आला.

पुष्टिपती विनायक जयंतीनिमित्त दगडूशेठ गणपती मंदिरात हा शहाळे महोत्सव आयोजित करण्यात आला होता.

श्रीमंत दगडूशेठ हलवाई सार्वजनिक गणपती ट्रस्ट व सुवर्णयुग तरुण मंडळातर्फे मंदिरात शहाळे महोत्सव आयोजित करण्यात आला.

शुक्रवारी मंदिरात पूजा, गणेशयाग व अभिषेक झाला. गाभा-यासह सभामंडपात शहाळ्यांची व वृक्षांची नयनरम्य आरास करण्यात आली होती.

वैशाख पौर्णिमेच्या पवित्र दिवशी श्री गणेशाचा पुष्टिपती विनायक हा अवतार झाला होता. भारतीय संस्कृतीमध्ये वैशाख पौर्णिमेला महत्त्वाचे स्थान आहे.

उत्तर भारतामध्ये वैशाखी हा सण याच दिवशी विशेषत्वाने साजरा केला जातो.

वैशाख वणव्यापासून देशवासियांचे रक्षण व्हावे. दुष्काळ, पाण्याचे दुर्भिक्ष शेतक-यांच्या समस्या गणरायाच्या कृपेने निर्विघ्नपणे पार पडावे म्हणून शहाळ्यांचा महानैवेद्य दरवर्षी अर्पण करण्यात येतो.

तसेच दुस-या दिवशी ससून रुग्णालयातील रुग्णांना शहाळ्यांचा प्रसाद देण्यात येणार आहे, असेही ट्रस्टतर्फे सांगण्यात आले.

पुष्टीपती विनायक अवताराचा संदर्भ श्रीगणेश पुराण व मुद्गल पुराण या ग्रंथामध्ये आढळतो.

पार्वती मातेला दिलेल्या वरानुसार भगवान श्री गणेश विनायक अवतारामध्ये प्रगट होऊन दुर्मती राक्षसाचा वध करतात. त्यामुळे वैशाख शुद्ध पौर्णिमेचा दिवस हा पुष्टिपती विनायक जयंती म्हणून साजरा करतात.