Nashik Satpir Dargah : नाशिकमधील तणाव अखेर निवळला, सातपीर दर्गा परिसरातील रस्ता तीन दिवसांनंतर वाहतुकीसाठी खुला, पाहा PHOTOS

Nashik Satpir Dargah : नाशिक महापालिकेने मंगळवारी मध्यरात्री सातपीर दर्गा जमीनदोस्त करण्याच्या कारवाईला सुरुवात करताच अचानक जमावाने दगडफेक केल्याने तणावाची परिस्थिती निर्माण झाली होती.

Nashik Satpir Dargah

नाशिकच्या काठे गल्ली परिसरातील अनधिकृत दर्ग्याच्या पाडकामावेळी पोलिसांवर तुफान दगडफेक करण्यात आली होती.

या दगडफेकीत तब्बल 31 पोलीस कर्मचारी जखमी झाले होते.

या प्रकरणी मुंबई नाका पोलीस ठाण्यात 1400 ते 1500 अज्ञात व्यक्तींविरोधात गुन्हे दाखल करण्यात आले आहेत.

काठेगल्ली सिग्नल जवळील सातपीर दर्गा हटविण्याच्या पार्श्वभूमीवर तीन दिवसांपासून रस्ता वाहतुकीसाठी बंद करण्यात आला होता.

15 एप्रिलच्या मध्यरात्रीपासून 18 एप्रिलच्या मध्यरात्रीपर्यत रस्ता वाहतुकीसाठी बंद होता.

नाशिकच्या काठे गल्ली सिग्नल ते पखाल रोड परिसरातील रस्ता अखेर वाहतुकीसाठी खुला करण्यात आला आहे.

आता नाशिकचा तणाव निवळला असून वातावरण पूर्व पदावर आल्याचे पाहायला मिळत आहे.

तर ज्या ठिकाणी कारवाई करण्यात आली आहे. त्या ठिकाणी पोलिसांचा बंदोबस्त कायम आहे.

पोलिसांवर हल्ला करण्याऱ्या 37 संशयित आरोपींची पोलीस कोठडीची मुदत संपत आहे. त्यामुळे 37 संशयित आरोपींना आज कोर्टात हजर केले जाणार आहे.