Nashik Shiv Sena UBT MNS Morcha : बाळा नांदगावकर संजय राऊतांच्या खांद्याला खांदा लावून मोर्चात, नाशिकमध्ये ठाकरेंची शिवसेना-मनसेकडून जनआक्रोश मोर्चा, हजारो नाशिककर रस्त्यावर उतरले

Nashik Shiv Sena UBT MNS Morcha : शिवसेना ठाकरे गट आणि मनसेकडून नाशिकमध्ये जनआक्रोश मोर्चा काढण्यात आला. या मोर्चात मनसेसह ठाकरे गटाचे बडे नेते सहभागी झाले आहेत.

Nashik Shiv Sena UBT MNS Morcha

शिवसेना उद्धव बाळासाहेब ठाकरे गट आणि महाराष्ट्र नवनिर्माण सेनेकडून नाशिक येथे जन आक्रोश मोर्चा काढण्यात आला.

या मोर्चात मनसे नेते बाळा नांदगावकर, शिवसेना ठाकरे गटाचे खासदार संजय राऊत यांच्यासह शिवसेना ठाकरे गट आणि मनसेचे नेते मोठ्या संख्येने सहभागी झाले होते.

बाळा नांदगावकर हे संजय राऊतांच्या खांद्याला खांदा लावून या मोर्चात सहभागी झाल्याचे पाहायला मिळाले.

मोर्चात मनसैनिक आणि शिवसैनिकांनी हातात काळे झेंडे घेऊन सरकार विरोधात निषेध नोंदवला.

वाढती गुन्हेगारी, अमली पदार्थांची विक्री, टोळ्यांची दहशत, सोनसाखळी चोरीच्या घटना, आश्वासने देऊन शेतकऱ्यांकडे दुर्लक्ष, महानगरपालिकेतील भ्रष्टाचारी कारभार या प्रश्नांवरून महायुती सरकारच्या विरोधात हा मोर्चा काढण्यात आला.

भ्रष्टाचार, गुन्हेगारी, कोयता गँग, जुगार, एमडी ड्रग्स अवैध धंदे असे विविध प्रात्यक्षिक कार्यकर्त्यांकडून मोर्चात सादर करण्यात आले.

नाशिकनंतर असाच मोर्चा पुण्यात काढला जाणार असल्याची माहिती संजय राऊत यांनी दिली.

नाशिकमध्ये नेपाळसारखाच भ्रष्टाचार होत असल्याचा आरोप संजय राऊत यांनी केला.

या मोर्चात नाशिककर देखील मोठ्या संख्येने सहभागी झाल्याचे पाहायला मिळाले.

नाशिक जिल्हाधिकारी कार्यालयासमोर सांगता सभा घेत शिवसेना ठाकरे गट आणि मनसेच्या नेत्यांकडून सरकारवर जोरदार हल्लाबोल करण्यात आला.