Nashik Potholes : रस्त्यात खड्डे की खड्ड्यात रस्ते, नाशिककर जीव मुठीत घेऊन करतायत प्रवास, पाहा PHOTOS

Nashik Potholes : शुक्रवारी शहरातील नाशिकरोड, पंचवटी, सिडको, सातपूरसह अनेक भागात अवकाळी पावसाने जोरदार हजेरी लावली.

Nashik Potholes

नाशिक शहरात काल झालेल्या मुसळधार पावसामुळे शहरातील अनेक ठिकाणचे रस्ते खड्डेमय झाले आहेत.

तर अनेक ठिकाणी अजून देखील पाणी साचल्याचे चित्र पाहायला मिळतंय.

यामुळे पुन्हा एकदा नाशिक महानगरपालिकेच्या कार्यपद्धतीवर प्रश्नचिन्ह उपस्थित होत आहे.

शहरात झालेल्या पावसामुळे नाशिकरोड, आडगाव, पंचवटी, द्वारका परिसरात पाणी साचले आहे.

पावसाळा 17-18 तास उलटून देखील अनेक ठिकाणी पाणी साचल्याचे चित्र आहे तर अनेक रस्ते खड्डेमय झालेत.

रस्त्यांवर खड्डे झाल्यामुळे वाहन चालकांना अनेक अडचणींचा सामना करावा लागत आहे.

या साचलेल्या पाण्याचा लवकरात लवकर बंदोबस्त करावा आणि रस्त्यात पडलेले खड्डे लवकरात लवकर दुरुस्त करावे अशी मागणी आता नाशिककर करू लागले आहेत.