Nanded News: शेतकऱ्याच्या लेकीनं रोवलाय अटकेपार झेंडा; नांदेडच्या रेवा जोगदंडवर होतोय कौतुकाचा वर्षाव

Nanded News: नांदेडच्या अर्धापूर तालुक्यातील एका सामान्य शेतकरी कुटुंबातील मुलीने अटकेपार झेंडा रोवला आहे.

Nanded News

अर्धापूर तालुक्यातील कोंढा या छोट्याशा गावातील शेतकरी कुटुंबातील मुलगी रेवा दिलीप जोगदंड हिने आकाश भरारी घेतली आहे.

तिची अमेरिकेत इलाईट 2023 कमांडर ऑफ नेवल एअर फोर्स फ्लाईट अकॅडमी करीता निवड झालीय.

अमेरीकेतील राष्ट्रीय स्तरावर पात्र 500 विद्यार्थ्यांमधुन 26 जणांची निवड झालेल्यांमध्ये रेवा जोगदंडने स्थान मिळविले आहे.

या पात्रतेकरीता रेवाने अथक परिश्रम घेतले आहेत.

कोवीड पुर्व काळात तिने अवघड असे हवाई क्षेत्रातील ज्ञान मिळवत, विमान चालन पात्रता चाचणी पुर्ण केलेली होती.

तेव्हा तिचे भारतात सर्व स्तरातुन कौतुक करण्यात आले होते.

अमेरीकन सरकारच्या संरक्षण मंत्रालयाच्या तटरक्षक दलाच्या निधीमधुन सुमारे रु. 20 लक्ष रकमेची शिष्यवृत्ती पुढील शिक्षणाकरीता मंजुर केली आहे.