विजयादशमीला 'विठुराया' गुराखी रुपात तर 'रुक्मिणी माता' विजयालक्ष्मी रुपात सजली

WhatsApp_Image_2021-10-15_at_904.27_PM

पंढरपुरात आज विजयादशमीनिमित्त विठुराया आणि रुक्मिणीला ठेवणीतील दागिन्यांनी मढविण्यात आले आहे.

विठुरायाला सोन्याची पगडी, सोन्याचे धोतर, खांद्यावर रेशमी घोंगडी आणि हातात चांदीची काठी अशा गुराखी पोशाखात सजवले आहे.

रुक्मिणी मातेला नखशिखान्त सोन्यानी मढवित विजयालक्ष्मी रुपात सजविण्यात आले आहे.

विजयादशमीला विठुराया गुराखी रुपात तर रुक्मिणी माता विजयालक्ष्मी रुपात सजलेली दिसून येत आहे.

हिरेजडित मुकुट, सोन्याचे पातळ आणि ठेवणीतील हिरेजडित दागिने परिधान करण्यात आले आहेत.

देवाचे हे साजरे रूप पाहण्यासाठी देशभरातील भाविकांनी मोठी गर्दी केली आहे.