प्रवासी अन् चालकानं प्रसंगावधान दाखवलं म्हणून, नाहीतर...; वाशिममध्ये खासगी ट्रॅव्हल्सनं अचनाक घेतला पेट

Vashim Fire: वाशीमच्या जाग माथा परिसरात आज पहाटे 5 वाजेच्या दरम्यान नागपूरवरून नांदेडकडे जाणाऱ्या खुराणा कंपनीच्या खाजगी प्रवासी वाहतूक करणाऱ्या ट्रॅव्हल्सला आग लागल्याची घटना घडली.

Vashim Fire

नागपूरहून नांदेडच्या दिशेनं जाणाऱ्या खुराणा ट्रॅव्हल्सला आग लागल्याची घटना घडली.

सुदैवानं या घटनेत कोणतीही जिवीतीहानी झालेली नाही.

ट्रॅव्हल्समधून 30 प्रवासी प्रवास करत होते, ते सर्वच्या सर्व प्रवासी सुखरूप बचावले आहेत.

वाशीमच्या जाग माथा परिसरात आज पहाटे 5 वाजेच्या दरम्यान नागपूरवरून नांदेडकडे जाणाऱ्या खुराणा कंपनीच्या खाजगी प्रवासी वाहतूक करणाऱ्या ट्रॅव्हल्सला आग लागल्याची घटना घडली.

आग लागल्याचा प्रकार एका प्रवाशाच्या लक्षात येताच त्यानं चालकाला तात्काळ माहिती दिली.

त्यानंतर प्रसंगावधान राखत सर्व प्रवासी खाली उतरले आणि ट्रॅव्हल्सनं पेट घेतला.

यामध्ये संपूर्ण बस जळून राख झाली, मात्र या घटनेत कुणी जखमी झालेलं नाही.

दरम्यान आगही वाहनाच्या शॉर्ट सर्किटमुळे झाल्याचा अंदाज वर्तवला जात आहे.

वाहनात अग्निशमन यंत्र नसल्यानं आग नियंत्रणात न आल्याची माहिती समोर आली. वाशिम अग्निशमन दलानं आग नियंत्रणात आणली.