PHOTO : देशासाठी सुवर्ण कामगिरी करणारी नांदेडची पॅरा बॅडमिंटनपटू उपेक्षित; मदतीची गरज

para-badminton player

Nanded News : आपल्या दिव्यांगपणावर मात करून आणि आर्थिक परिस्थिती हलाखीची असूनही नांदेडच्या लता उमरेकर (Lata Umarekar)या तरुणीने आंतराष्ट्रीय स्तरावर बॅडमिंटन स्पर्धेत उत्तम खेळ करत आजपर्यंत पाच सुवर्ण पदकांची कामगिरी केली आहे. हमाली करुन परमेश्वर उमरेकर यांनी आपल्या दोन मुलांना चांगलं खेळाडू बनवलं. लता उमरेकरला पॅरा बॅडमिंटन तर दिनेशला धनुर्विद्यामध्ये राष्ट्रीय खेळाडू बनवत आपली मुलं जागतिक स्तरावर खेळावी असं स्वप्न उराशी बाळगलं. 

उमरेकर यांच्या तीन अपत्यापैकी दुसरं अपत्य असणारी लता ही जन्मतःच विकलांग आहे. ज्यात तिची उंची तीन फुटांपेक्षा जास्त होऊ शकली नाही. या शारीरिक व्याधीवर मात करत लताने आतापर्यंत पाच सुवर्णपदकं जिंकत राष्ट्रीय स्तरावर उत्तम कामगिरी केलीय. नांदेड जिल्ह्यात आतापर्यंत पॅरा बॅडमिंटन खेळात आंतरराष्ट्रीय स्तरावर सुवर्ण कामगिरी करणारी ती एकमेव खेळाडू आहे.