Photo : 14 वर्षांपूर्वी बेपत्ता झालेले सुनिल भोई घरी परतले

जळगाव

सोशल मीडियातील एका क्लिपमुळे तब्बल 14 वर्षे बेपत्ता असलेले सुनिल भोई पुन्हा त्यांच्या घरी परतले आहे.

याचा घरच्यांना इतका आनंद झाला की त्यांनी थेट मिरवणूकच काढली. जळगाव जिल्ह्यातील पाचोरा येथील ही घटना आहे.

जळगाव जिल्ह्यातील पाचोरा येथील सुनील भोई हे चौदा वर्षांपूर्वी बेपत्ता झाले होते.

14 वर्षाच्या नंतर सोशल मीडियाच्या एका क्लिपमुळे ते तामिळनाडू राज्यात राहत असल्याची माहिती मिळाली.

त्यानंतर त्यांना जळगाव येथे आणण्यात आले. सुनील भोई घरी परत आल्याच्या आनंदात त्यांच्या कुटुंबाने ढोलताशांच्या गजरात मिरवणूक काढली.

या मिरवणुकीत परिसरातील नागरिक मोठ्या संख्येने सहभागी झाल्याचं पाहायला मिळालं.

पाचोरा शहरात राहणारे सुनील भोई हे 2008 साली अचानक गायब झाल्याने त्यांच्या कुटुंबावर दुःखाचा डोंगर कोसळला होता.

अशिक्षित आणि काही गतिमंद असलेल्या सुनील भोई यांचा त्यांच्या कुटुंबाने आणि पोलिसांनी अनेक दिवस शोध घेतला.

चौदा वर्षानंतर ते कुटुंबात परत आल्याने संपूर्ण कुटुंबाचा आनंद गगनात मावेनासा झाला.