नॅशनल हायवेवर ट्रक बिघडला, तब्बल 12 तास रस्ता बंद; गरोदर महिलेला 5 तास पाहावी लागली वाट

जाम लागल्याने वाहनांची सुमारे 5 ते 6 किलोमीटर लांबच लांब रांग लागली होती. त्यामुळे एका गरोदर महिलेला सुद्धा 5 तास या जाम मध्ये फसून राहावे लागले

National Highway gadchiroli

गडचिरोली : जिल्ह्यातील कोरची - कुरखेडा या राष्ट्रीय महामार्गावर मध्यरात्रीच्या सुमारास छत्तीसगड येथून बेंगलोरकडे जात असलेला ट्रक नादुरुस्त झाला आणि तब्बल 12 तासांचा येथे जाम लागला.

जाम लागल्याने वाहनांची सुमारे 5 ते 6 किलोमीटर लांबच लांब रांग लागली होती.

त्यामुळे एका गरोदर महिलेला सुद्धा 5 तास या जाम मध्ये फसून राहावे लागले तसेच काही चिमुकले सुद्धा पाणी व जेवणाविना रस्त्यातच रात्र काढली

एका शासकीय बस मध्ये सुद्धा प्रवास करणाऱ्या 40 प्रवास्यांना सुद्धा तब्बल 5 तास वाट बघावी लागली.

या राष्ट्रीय महामार्गावर तब्बल 8 किलोमीटर वळण घाट असून या मार्गावर नेहमी हलक्या तसेच जड वाहनांची वर्दळ असते.

परंतु रस्ता अतिशय संकीर्ण असल्यामुळे नेहमी या मार्गावर वाहने नादुरुस्त होऊन उभे असतात.