Chhatrapati Shahu Maharaj 75th birthday : ऐतिहासिक शाहू खासबाग मैदान जंगी कुस्तीसाठी सज्ज; संभाजीराजे, मनपा प्रशासक कादंबरी बलकवडे यांच्याकडून पाहणी

श्रीमंत छत्रपती शाहू महाराज यांच्या अमृतमहोत्सवी वाढदिवसानिमित्त कोल्हापूर शहर व जिल्हा राष्ट्रीय तालीम संघाकडून ऐतिहासिक शाहू खासबाग मैदानात निकाली कुस्त्यांचे आयोजन करण्यात आलं आहे.

Chhatrapati Shahu Maharaj 75th birthday

श्रीमंत शाहू छत्रपती महाराज यांच्या अमृतमहोत्सवानिमित्त ऐतिहासिक खासबाग मैदानात कुस्ती मैदानाचे आयोजन करण्यात आले आहे.

कुस्तीसाठी बऱ्याच कालावधीनंतर खासबाग कुस्ती मैदानाची डागडुजी करण्यात आली आहे.

माजी खासदार संभाजीराजे आणि महापालिका प्रशासक डॉ. कादंबरी बलकवडे यांनी बुधवारी मैदानाची पाहणी केली.

आखाड्यामध्ये नवीन माती टाकण्यात आली आहे.

मैदानाची दक्षिण व पश्चिम बाजू समपातळी करून घेण्यात आली आहे.

राजर्षी छत्रपती शाहू खासबाग कुस्त्यांचे मैदान हा फलकही रंगवून घेण्यात आला आहे.

पैलवानांसाठी शॉवर व प्लॅटफॉर्म तयार करण्याचे काम सुरू आहे. ग्रील दुरुस्ती, शोभेची झाडे व रंगरंगोटी पूर्ण झाली आहे.

व्हीआयपी सूटमध्ये नवीन कोच ठेवण्यात आला आहे.

कुस्ती पाहण्यासाठी मोठ्या संख्येने उपस्थित रहावे, असे आवाहन आमदार हसन मुश्रीफ यांनीही केलं आहे.

शनिवारी निकाली कुस्त्यांचे जंगी मैदान होणार आहे. या कार्यक्रमासाठी राष्ट्रवादीचे अध्यक्ष शरद पवारही उपस्थित राहणार आहेत.