कोल्हापूरकरांचा अनोखा निषेध; कचऱ्याचीच निघाली प्रतीकात्मक अंत्ययात्रा

कोल्हापूर महानगरपालिकेच्या आरोग्य विभागाकडून रंकाळा टाॅवर परिसरातील कचरा उठाव होत नसल्याने सजग नागरिकांनी कचऱ्याची प्रतीकात्मक तिरडी बांधून अंत्ययात्रा काढली.

Symbolic Funeral Procession of Garbage In Kolhapur

कोल्हापुरात कचरा उठाव गंभीर झाला असतानाच रंकाळा चौपाटीवर अनोखे आंदोलन करण्यात आले.

कोल्हापुरात रंकाळा तलाव चौपाटीवर कचऱ्याचे ढीग साचल्याने कचऱ्याचीच प्रतीकात्मक अंत्ययात्रा काढत मनपा प्रशासनाचा निषेध केला.

कचऱ्याच्या प्रतीकात्मक तिरडीवर 'मला येथून कायमचा उचला' असा फलक लावण्यात आला होता

रंकाळा टाॅवरशेजारी महादेव मंदिर परिसरात कचरा तसाच पडून होता.

यावेळी कचऱ्याची तिरडी बांधून नागरिकांनी बोंब मारली.

कोल्हापुरात पर्यटकांची मोठी गर्दी रंकाळा परिसरात होत आहे.

पर्यटकांकडून खाद्यपदार्थ खाऊन कचरा त्याठिकाणीच टाकला जातो.

मात्र, या कचऱ्याचा उठाव आरोग्य विभागाकडून केला जात नाही.

त्यामुळे नागरिकांनी एकत्र अभिनव आंदोलन करून लक्ष वेधलं

किमान या अभिनव आंदोलनानंतर तरी कचरा उठाव केला जाईल, अशी माफक अपेक्षा आहे.