Ambabai Mandir : करवीर निवासिनी अंबाबाई किरणोत्सव; सूर्यकिरणं देवीच्या कमरेपर्यंत पोहोचली

Ambabai Mandir : करवीर निवासिनी श्री. अंबाबाई मंदिरात रविवारी सूर्यकिरणे देवीच्या कमरेपर्यंत पोहोचली. दरम्यान, आजपासून किरणोत्सव सुरू होत असून तो पूर्ण क्षमतेने होईल, अशी आशा आहे.

Ambabai Mandir

करवीर निवासिनी श्री अंबाबाई मंदिरात रविवारी सूर्यकिरणे देवीच्या कमरेपर्यंत पोहोचली.

त्यामुळे किरणोत्सवात अडथळे असल्याचे पुन्हा स्पष्ट झालं आहे.

आज सोमवारी किरणोत्सव पूर्ण क्षमतेनं होईल, अशी शक्यता आहे.

किरणोत्सवाचा सोहळा 30 जानेवारी ते 1 फेब्रुवारीपर्यंत होणार आहे.

सायंकाळी सव्वा पाच वाजता सूर्यकिरणांनी महाद्वार कमानीतून प्रवेश केला. यानंतर 5:25 वाजता किरणे गरुड मंडपात आली.

पुढील पाच मिनिटांपर्यंत किरणे मंडपाच्या चौथर्‍यापर्यंत पोहोचली.

सायंकाळी सहा वाजता कासव चौकात किरणांचा प्रवेश झाला.

यानंतर वेगाने किरणे पुढे सरकली. सहा वाजून पाच मिनिटांनी किरणांनी पितळी उंबरठा ओलांडला.

सहा वाजून सात मिनिटांनी चांदीचा उंबरठा ओलांडून सहा वाजून 12 मिनिटांनी किरणे कटांगणाजवळ पोहोचली.

सायंकाळी सहा वाजून 13 मिनिटांनी किरणांनी मूर्तीचा चरण स्पर्श केला. पुढच्या दोन मिनिटांपर्यंत किरणे मूर्तीच्या कमरेपर्यंत पोहोचली.