Kittur Chennamma : इंग्रजांविरूध्द लढा दिलेल्या वीर राणी कित्तूर चन्नमाच्या कित्तूर उत्सवाला थाटात प्रारंभ

Kittur Chennamma : इंग्रजांच्या विरूध्द लढा दिलेल्या वीर राणी कित्तूर चन्नमाच्या कित्तूर उत्सवाला थाटात प्रारंभ झाला.वेगवेगळी कलापथके शोभायात्रेचे आकर्षण ठरली.

Kittur Chennamma

इंग्रजांविरूध्द लढा दिलेल्या वीर राणी कित्तूर चन्नमाच्या कित्तूर उत्सवाला थाटात प्रारंभ झाला.

वेगवेगळी कलापथके शोभायात्रेचे आकर्षण ठरली आहेत.

कर्नाटक राज्यात फिरून आलेल्या वीर ज्योतीचे स्वागत मान्यवरांनी केल्यानंतर राणी कित्तूर चन्नमाच्या पुतळ्याचे पूजन करण्यात आले.

कित्तूर संस्थानचा नंदी ध्वजही फडकवण्यात आला.

शेकडो सुहासिनी डोक्यावर मंगल कलश घेऊन शोभायात्रेत सहभागी झाल्या होत्या.

राज्यातील विविध ठिकाणाहून आलेली कलापथके शोभायात्रेत सहभागी झाली.

वीर राणी कित्तूर चन्नमाचा विजय असो अशा घोषणा देण्यात आल्या.

तसेच हत्तीवरून राणीच्या प्रतिमेची मिरवणूक काढण्यात आली.

वेगवेगळ्या रूपातील कलापथकातील कलाकारांनी आपली कला सादर करून उपस्थितांची मने जिंकली.

शोभायात्रा पाहण्यासाठी हजारो नागरिकांनी गर्दी केली होती.

कित्तूर उत्सवाच्या निमित्ताने कुस्ती आदी स्पर्धांचे आयोजन करण्यात आले आहे.

वॉटर स्पोर्टस् देखील उत्सवाचे मुख्य आकर्षण ठरले आहे.

राणी चन्नम्मा यांचा जन्म 1778 मध्ये सध्याच्या बेळगाव जिल्ह्यातील काकती या छोट्या गावात एका लिंगायत कुटुंबात झाला.

घोडेस्वारी, तलवारबाजी आणि धनुर्विद्या यात त्या लहानपणापासूनच पारंगत झाल्या होत्या.

चन्नम्माचा विवाह देसाई राजपुत्र मल्ल सरजाशी झाला होता.

आपल्या पतीच्या अकाली मृत्यूनंतर, चेन्नम्माला तिचा दत्तक मुलगा शिवलिंगप्पाला राजा बनवायचे होते.

पण ईस्ट इंडिया कंपनीने आपला अधिकार सांगून विरोध केला होता.

यानंतर चेन्नम्मा यांनी कंपनीच्या आदेशाला विरोध केला आणि कोणत्याही सूचना पाळण्यास नकार दिला. त्यानंतर दोघांमध्ये युद्धही झाले.