Raksha Bandhan 2023: राष्ट्रपतींपासून सामान्य जनतेपर्यंत... सर्वांमध्ये पाहायला मिळाला रक्षाबंधनाचा उत्साह, फोटोंमधून पाहा अनोखे क्षण

देशभरात रक्षाबंधन सणाचा उत्साह पाहायला मिळाला. देशाच्या राष्ट्रपतींपासून, बॉलीवूड सेलिब्रिटी ते सामान्यांनीही अनोख्या प्रकारे हा सण साजरा केला. पंतप्रधान मोदींनीही लहान मुलींसोबत सण साजरा केला.

Raksha Bandhan 2023

राष्ट्रपती द्रौपदी मुर्मू यांवी नवी दिल्लीतील राष्ट्रपती भवनात रक्षाबंधन सण साजरा केला.

लहान मुलींना भेटवस्तू देत त्यांनी रक्षाबंधन सण साजरा केला.

यावेळी अनेक शाळकरी मुलींनी द्रौपदी मुर्मू यांना राखी देखील बांधली.

जम्मूपासून 35 किमी अंतरावर असलेल्या सुचेतगड येथे भारत-पाकिस्तान सीमेजवळ शाळकरी मुलींनी सीमा सुरक्षा दलाच्या (बीएसएफ) जवानांना राखी बांधत सण साजरा केला.

मुंबईत रक्षाबंधन सणानिमित्त शाळकरी मुलींनी अभिनेता सनी देओलला राखी बांधली.

अभिनेता सनी देओल मुंबईतील शाळेत रक्षाबंधन साजरा करण्यासाठी पोहोचला होता.

यावेळी अभिनेत्याने मुलींशी प्रेमळ संवाद देखील साधला.

रक्षाबंधनाच्या दिवशी सोशल मीडियावर अभिनेते दिलीप कुमार आणि गायिका लता मंगेशकर यांचा जुना फोटो चांगलाच व्हायरल झाला, त्यांनी साजरा केलेल्या रक्षाबंधनाची ही एक अनोखी आठवण आहे.

कोलकाता येथे काँग्रेस सेवादलाने राहुल गांधींचे फोटो छापलेल्या राख्या आणून रक्षाबंधन सण साजरा केला.

काँग्रेस सेवादल कार्यकर्त्यांनी राहुल गांधींच्या फोटोच्या राख्या बांधत हा सण साजरा केला.

कोलकात्यात रक्षाबंधनानिमित्त राहुल गांधींच्या फोटोची एक भली मोठी राखी देखील बनवण्यात आली होती.