कधी व्हाईट टी-शर्ट, तर कधी दाढी अन् आता...; तीन वर्षांत असे बदलले राहुल गांधींचे लूक

Rahul Gandhi News Look: काँग्रेस नेते राहुल गांधी सात दिवसांच्या यूके दौऱ्यावर आहेत. केंब्रिज विद्यापीठात राहुल गांधी व्याख्यान देणार आहेत. पण या व्याख्यानापूर्वी राहुल गांधींचा एक फोटो समोर आला आहे.

Rahul Gandhi News Look Goes Viral on Social Media

काँग्रेस नेते राहुल गांधी यांचा नवा लूक समोर आला आहे.

राहुल सध्या यूके दौऱ्यावर आहेत. तिथे ते केंब्रिज विद्यापीठात व्याख्यान देणार आहेत.

राहुल गांधीच्या नव्या लूकची सोशल मीडियावर जोरदार चर्चा सुरु आहे. फोटोमध्ये राहुल गांधींनी संपूर्ण लूक चेंज केल्याचं पाहायला मिळत आहे.

भारत जोडो यात्रेदरम्यान (Bharat Jodo Yatra) राहुल गांधींच्या लूकची जोरदार चर्चा झाली होती. यावरुन विरोधकांनीही राहुल गांधींवर निशाणा साधला होता. कधी कडाक्याच्या थंडीतील त्यांचा व्हाईट टी-शर्ट लूक, तर कधी त्यांची पांढरी दाढी चर्चेत राहिली आहे. अशातच सध्या राहुल गांधींचा जेंटलमन लूक चर्चेचा विषय ठरत आहे.

या फोटोंमध्ये राहुल गांधी सुटाबुटात दिसत असून त्यांनी दाढी ट्रिम केल्याचं पाहायला मिळत आहे. तसेच, कोट-टायमधील राहुल गांधींचा जेंटलमन लूक राजकीय वर्तुळातही चर्चेचा विषय बनला आहे.

राहुल गांधींच्या नेतृत्त्वात भारत जोडो यात्रेचा पहिला टप्पा पार पडला. पहिल्या टप्प्यात तब्बल 3570 किलोमीटरचा प्रवास राहुल गांधींनी केला. या प्रवासादरम्यान राहुल गांधींचा पांढऱ्या टी-शर्टमधील लूक विशेष चर्चेचा विषय बनला होता. यात्रेदरम्यान राहुल गांधींनी दाढीही खूप वाढवली होती. आता राहुल गांधी ब्रिटनमध्ये नव्या रुपात दिसून आले आहेत.

भारत जोडो यात्रे दरम्यान राहुल गांधींचा लूक पाहुन अनेकांनी त्यांच्यावर टीका केली होती. तर काहींनी त्यांना साधू-संत म्हणून संबोधलं होतं.

भारत जोडो यात्रा आणि सध्याच्या लूक व्यतिरिक्त राहुल गांधी यांच्या त्यापूर्वीच्या लूकचीही जोरदार चर्चा रंगली आहे. (PC : www.oneindia.com)

राहुल गांधी 7 दिवसांच्या यूके दौऱ्यावर आहेत. त्यांच्या दौऱ्याची सुरुवात केंब्रिज विद्यापीठातील व्याख्यानाने होणार आहे. केंब्रिज बिझनेस स्कूलचे माजी विद्यार्थी राहुल गांधी 'लर्निंग टू लिसन इन द 21वी सेंच्युरी' या विषयावर विद्यार्थ्यांना संबोधित करतील.