Telangana CM KCR: 600 वाहनांचा ताफा, सोबत अख्खं मंत्रिमंडळ; तेलंगणाचे मुख्यमंत्री KCR यांची सोलापुरात होणार सिंघम स्टाईल एन्ट्री

Telangana CM KCR : तेलंगणाचे मुख्यमंत्री के. चंद्रशेखर राव यांचा ताफा सोलापूरकडे रवाना झाला आहे.

Telangana CM KCR

महाराष्ट्रात भारत राष्ट्र समिती या पक्षाचा मोठा विस्तार करण्याची तेलंगणाचे मुख्यमंत्री के. चंद्रशेखर राव म्हणजेच केसीआर यांची योजना आहे.

त्यासाठी त्यांच्या दोन दिवसांच्या महाराष्ट्र दौऱ्याला सुरुवात झाली आहे

आषाढी एकादशीच्या दोन दिवस आधी सुरू झालेल्या केसीआर यांच्या या दौऱ्याला मोठं महत्व प्राप्त झालंय.

केसीआर यांच्या दौऱ्यात तेलंगणाचे सर्व मंत्री, आमदार, खासदार आणि इतर नेते असतील.

तेलंगणातून तब्बल 600 गाड्यांचा ताफा आज महाराष्ट्रात सोलापूरमध्ये दाखल होणार आहे.

तीनशे गाड्यांचे नियोजन होते मात्र आता तब्बल 600 गाड्या हैद्राबाद वरून निघाल्या आहेत

सोलापुरात मुक्कामासाठी शहरातील विविध हॉटेल्समध्ये 220 रूम बुक करण्यात आले होते

आता आणखी 200 रूम बुक करण्याचे स्थानिक कार्यकर्त्यांची धावपळ सुरु आहे.