Bus Accident: दिवाळीत काळाचा घाला: बस आणि ट्रकच्या भीषण अपघातात 15 ठार

मध्य प्रदेशमधील रेवा मध्ये खासगी बस आणि ट्रकचा भीषण अपघात झाला. या भीषण अपघातात 15 जण ठार झाले आहेत.

Bus Accident: दिवाळीत काळाचा घाला: बस आणि ट्रकच्या भीषण अपघातात 15 ठार

मध्यप्रदेशच्या रिवामध्ये (Madhya Pradesh Rewa Accident) भीषण अपघात झाला आहे.

या अपघातात 15 जण ठार झाले असून 40 जण जखमी झाले आहेत.

मध्यप्रदेश आणि उत्तरप्रदेशला जोडणाऱ्या नॅशनल हायवे 30 वर हा भीषण अपघात झाला.

अपघात झालेली बस हैदराबादहून गोरखपूरला जात होती. रात्री 11.30 च्या सुमारास रिवाजवळ हा अपघात झाला.

बसमधील सर्व प्रवासी कामगार होते. दिवाळी साजरी करण्यासाठी आपल्या घरी जात होते.

घटनास्थळी स्थानिक नागरिकांच्या मदतीने मदत आणि बचावकार्य सुरू करण्यात आले.

ट्रक आणि बसची धडक इतकी भीषण होती की, तिघांचा जागीच मृत्यू झाला. तर 11 जणांनी रुग्णालयात उपचारादरम्यान प्राण सोडले.

खासगी बसमध्ये 100 हून अधिक प्रवासी असल्याची प्राथमिक माहिती आहे.

मृतांमध्ये उत्तर प्रदेश, बिहारमधील मजूरांची संख्या अधिक आहे.

या घटनेवर मध्य प्रदेशचे मुख्यमंत्री शिवराज चौहान यांनी दु:ख व्यक्त केले आहे.