PHOTO : वडिलांनी कर्ज घेऊन पिकं जोपासली, आता कापसाचं पिक अक्षरशः आडवं झालंय; शेतकऱ्यांच्या मुलांनी सांगितली व्यथा

Beed News : बीड जिल्ह्यात सोयाबीन उत्पादक शेतकऱ्यांसह कापूस उत्पादक शेतकऱ्यांचे देखील मोठे नुकसान झाले आहे.

Beed News

बीड जिल्ह्यातील अनेक तालुक्यांमध्ये सोयाबीननंतर आता कापसाच्या पिकाचेही मोठ्या प्रमाणावर नुकसान झालं आहे.

पावसाने दोन दिवस विश्रांती घेतली असली, तरी आजही शेतात चिखल साचलेला आहे. त्यामुळे शेतीकाम अडचणीत आले आहे.

सततच्या पावसामुळे उभं पीक आडवं झालं असून, अनेक ठिकाणी पिकं मुळासकट उपटली गेली आहेत.

कापसाच्या पिकाच्या दोड्यांमध्ये सड लागल्याने उत्पादनावर गंभीर परिणाम होण्याची भीती व्यक्त केली जात आहे.

काही शेतकऱ्यांची जनावरं पावसात वाहून गेल्याचंही समोर आलं आहे.

अनेक शेतकऱ्यांनी बँका, सहकारी संस्था, खासगी सावकारांकडून कर्ज घेतलं असून, आता ते परत कसं फेडावं हा प्रश्न निर्माण झाला आहे.

“वडिलांनी कर्ज घेऊन पीक घेतलं, पण आता सगळं वाया गेलं... काय करावं समजत नाही,” अशा व्यथा शेतकऱ्यांच्या मुलांनी व्यक्त केल्या आहेत.

अद्याप पंचनामे सुरू झाले नसल्यामुळे शेतकऱ्यांना मदतीसाठी वाट पाहावी लागते आहे.

अनेक शेतकऱ्यांनी पीक विमा घेतलेला असला तरी नुकसानभरपाई कधी मिळेल, किती मिळेल याची अनिश्‍चितता आहे.

प्रशासनाने त्वरित पंचनामे करून मदत जाहीर करावी, अशी मागणी शेतकऱ्यांकडून केली जात आहे.