Health Tips : स्किझोफ्रेनिया म्हणजे नेमकं काय? जाणून घ्या या आजाराची लक्षणं

Health Tips : जगातील सुमारे 20 लाख लोक स्किझोफ्रेनियाने ग्रस्त आहेत. तज्ज्ञांचे म्हणणे आहे की, जर एखाद्याच्या वागण्यात काही बदल होत असेल तर लगेच डॉक्टरांचा सल्ला घ्यावा.

Health Tips

स्किझोफ्रेनिया...एक विकार ज्यामुळे ग्रस्त व्यक्ती सर्वांबरोबर राहूनही वेगळ्या जगात राहतो. तो सगळ्यांपासून दूर राहतो, एकटाच बसतो आणि स्वतःशीच बोलत राहतो. ही एक प्रकारची मानसिक समस्या आहे. या आजारावर वेळीच उपचार न केल्यास परिस्थिती गंभीर होऊ शकते. स्किझोफ्रेनिया म्हणजे काय, तो कसा होतो आणि त्याचे उपचार काय आहेत ते जाणून घेऊयात.

स्किझोफ्रेनिया हा असा आजार आहे ज्यामध्ये रुग्ण विचार न करता बोलू लागतो. तो प्रत्येक गोष्टीत गोंधळलेला असतो. आरोग्य तज्ज्ञांच्या मते, आपल्या मेंदूमध्ये डोपामाईन नावाचे न्यूरोट्रांसमीटर असते, जे मेंदू आणि शरीरात समन्वय साधते.