भात खाल्ल्याने वजन वाढतं का? जाणून घ्या खरं सत्य!

भातामुळे थेट वजन वाढत नाही, तर जास्त प्रमाणात खाल्ल्यास आणि विशेषत: तुप-तेल, बटाटे, तळलेले पदार्थ यांसोबत खाल्ल्यास कॅलरी वाढतात आणि त्यामुळे वजन वाढतं.

भात

भात हा भारतीय आहाराचा एक महत्त्वाचा भाग आहे.

विशेषत: महाराष्ट्र, दक्षिण भारत आणि बंगालमध्ये भाताशिवाय जेवण अपूर्ण मानलं जातं. पण आरोग्याविषयी जागरूक असणाऱ्यांमध्ये भात खाल्ल्याने वजन पटकन वाढतं असा समज प्रचलित आहे.

भातामध्ये कार्बोहायड्रेट जास्त प्रमाणात असतात जे शरीराला ऊर्जा देतात. त्याचबरोबर त्यात थोडं प्रथिन, जीवनसत्त्वं B आणि काही मिनरल्सही असतात.

पांढरा भात (white rice) आणि तांदुळाचा भात (brown rice) यात फरक असतो. ब्राऊन राईसमध्ये फायबर जास्त असल्याने तो पचायला जरा वेळ घेतो आणि जास्त वेळ पोट भरल्यासारखं वाटतं.

भातामुळे थेट वजन वाढत नाही, तर जास्त प्रमाणात खाल्ल्यास आणि विशेषत: तुप-तेल, बटाटे, तळलेले पदार्थ यांसोबत खाल्ल्यास कॅलरी वाढतात आणि त्यामुळे वजन वाढतं.

मध्यम प्रमाणात खाल्ल्यास भात वजन वाढवत नाही. पांढऱ्या भातापेक्षा ब्राऊन राईस किंवा हँडपाउंड राईस (उकडलेला तांदूळ) आरोग्यास अधिक चांगला.

भातासोबत डाळ, भाज्या किंवा सूप घेतलं तर तो संतुलित आहार ठरतो..

रात्री उशिरा भात खाणं टाळावं कारण तेव्हा शरीराची ऊर्जा खर्च कमी असते.

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )