In Pics : कॉमेडियन कपिल शर्मा ते भारती सिंह यांच्या लक्झरी कार

Celebrity_Cars

कॉमेडियन स्टार आज प्रेक्षकांमध्ये लोकप्रिय आहेत. त्यांच्या लोकप्रियतेसोबत त्यांची संपत्तीही वाढत आहे. आज अनेक कॉमेडियन स्टार्सकडे शानदार घरं, लक्झरी गाड्या आहेत. काही कॉमेडियन कोणत्या लग्झरी कार वापरतात यावर एक नजर टाकूया.

सर्वात आधी कपिल शर्माबद्दल जाणून घेऊया. कपिल शर्मा त्याच्या 'द कपिल शर्मा शो'मुळे घरोघरी पोहोचला. आज तो छोट्या पडद्यावरील सर्वात यशस्वी कॉमेडियन कलाकारांपैकी एक आहे. कपिलला महागड्या आलिशान गाड्यांचाही शौक आहे. मीडिया रिपोर्टनुसार, कपिलकडे मर्सिडीज बेंझ एस 350 तसेच रेंज रोव्हर व्होग आणि व्होल्वोची लक्झरी व्हॅनिटी व्हॅन आहे.

कॉमेडियन भारती सिंह हे छोट्या पडद्यावरही एक मोठे नाव आहे. भारती कपिल शर्माच्या शोचा एक भाग आहे आणि या शोच्या दुसऱ्या सीझनमध्येही ती दिसणार आहे. 'द कपिल शर्मा शो' सोबत भारतीने कॉमेडी नाइट्स बचाओ आणि खतरा खतरा खतरा सारखे शो केले आहेत. भारती सिंह हिलाही लग्झरी गाड्यांची आवड आहे. तिच्याकडे मर्सिडीज आणि ऑडी क्यू 5 सारख्या आलिशान गाड्या आहेत.

कॉमेडियन अली असगर हेही विनोदी विश्वातील एक मोठे नाव आहे. अली द कपिल शर्मा शो तसेच कानपूर वाले खुराणा आणि कॉमेडी सर्कसमध्ये दिसला आहे. अलीकडे मर्सिडीज आणि होंडा सिटी कार आहे.

छोट्या पडद्याबरोबरच मोठ्या पडद्यावरही आपल्या कॉमेडीने प्रेक्षकांची मनं जिंकणाऱ्या सुनील ग्रोव्हरकडे बीएमडब्ल्यू 5 सीरीजची कार आहे. सुनील ग्रोव्हर द कपिल शर्मा शोमध्ये डॉक्टर मशहूर गुलाटीच्या भूमिकेसाठी ओळखला जातो.