एक्स्प्लोर

Marathi Movies Release : सणासुदीच्या काळात सिनेमागृहात 'हे' मराठी चित्रपट धमाका करणार!

Written By : एबीपी माझा वेबटीम | Updated at : 17 Oct 2021 06:03 PM (IST)

आगामी मराठी सिनेमे

1/6

जयंती (Jayanti) - मराठी चित्रपटगृहांना प्रदर्शनाचा हिरवा कंदील मिळाल्यानंतर 'जयंती' सिनेमा प्रेक्षकांच्या भेटीला येणार आहे. जयंती सिनेमा 26 नोव्हेंरला सिनेमागृहात प्रदर्शित होणार आहे. शैलेश नरवाडे लिखित व दिग्दर्शित "जयंती" हा एका नव्या धाटणीचा विषय असलेला बहुचर्चित सिनेमा आहे.

2/6

झिम्मा (Jhimma) - येत्या 19 नोव्हेंबरला 'झिम्मा' सिनेमा प्रेक्षकांना चित्रपटगृहात जाऊन पाहता येणार आहे. 'झिम्मा' चित्रपटाचे दिग्दर्शन हेमंत ढोमेने केले आहे. या चित्रपटात निर्मिती सावंत, सुहास जोशी, सुचित्रा बांदेकर, क्षिती जोग, छोटी सोनाली कुलकर्णी, सायली संजीव, मृण्मयी गोडबोले या अभिनेत्रींच्या प्रमुख भूमिका असणार आहेत. या सर्व अभिनेत्रींसोबत चित्रपटाची शान वाढवायला चॉकलेट बॉय सिद्धार्थ चांदेकरदेखील दिसणार आहे.

3/6

गोदावरी (Godawari) - गोदावरी सिनेमा येत्या 3 डिसेंबरला प्रदर्शित होणार आहे. जितेंद्र जोशी, नीणा कुलकर्णी, संजय मोने, गौरी नलावडे, विक्रम गोखले, प्रियदर्शन जाधव, सखी गोकले या कलाकारांच्या यात मुख्य भूमिका आहेत. गोदावरी चित्रपटगृहाचे आंतरराष्ट्रीय समीक्षणदेखील करण्यात आले आहे. गोदावरी सिनेमाच्या माध्यमातून अभिनेता जितेंद्र जोशी निर्मिती क्षेत्रात पदार्पण करणार आहे.

4/6

डार्लिंग (Darling) - 'डार्लिंग' सिनेमा 10 डिसेंबरला सिनेमागृहात प्रदर्शित होणार आहे. या सिनेमाचे दिग्दर्शन समीर पाटील यांनी केले आहे. चित्रपटात प्रथमेश परब आणि रितीका श्रोत्रीची जोडी मुख्य भूमिकेत दिसून येणार आहे. प्रथमेश आणि रितीकाची जोडी याआधी "टकाटक" चित्रपटात दिसून आली होती.

5/6

फ्री हिट दणका (Free Hit Danaka) - फ्री हिट दणका चित्रपट येत्या 17 डिसेंबरला प्रदर्शित होणार आहे. सुनील मगरे यांनी हा चित्रपट दिग्दर्शित केला आहे. यात फँड्री फेम सोमनाथ अवघडे मुख्य भूमिकेत दिसणार आहे. तर सैराट चित्रपटातील अरबाज (सल्या) आणि तानाजी (लंगड्या) यांच्या प्रमुख भूमिका आहेत.

6/6

दे धक्का 2 (De Dhakka 2) - 'दे धक्का 2' चित्रपट 1 जानेवारीला प्रेक्षकांच्या भेटीला येणार आहे. या चित्रपटाचे दिग्दर्शन महेश मांजरेकरांनी केले आहे. "दे धक्का 2" च्या पोस्टरमध्ये मकरंद अनासपुरे, शिवाजी साटम, महेश मांजरेकर दिसून येत आहेत. ते कारमधून उतरत आहेत. तर परदेशी पाहूणी त्यांचे स्वागत करताना दिसून येत आहे. तर परदेशी हमाल त्यांचे सामान कारमधून खाली उतरवत आहे. अशा पद्धतीने अ‍ॅक्शन लूकमधील या पोस्टरने चाहत्यांचे चांगलेच लक्ष वेधले आहे.