Babu Movie: "बाबू" सिनेमात पाहायला मिळणार अॅक्शनचा तडका

अंकित मोहन

काही दिवसांपूर्वी 'बाबू' या चित्रपटाच्या चित्रीकरणाला सुरुवात झाली होती. त्याचे चित्रीकरण आता बऱ्यापैकी पूर्ण होत आले असून नुकताच या चित्रपटाचा ॲक्शन सिक्वेन्स चित्रित करण्यात आला आहे.

चित्रपटात अंकित मोहनचे अनेक अॅक्शन सीन्स आहेत. त्यासाठी अंकितने बरीच मेहनत घेतली आहे. त्याच्या पिळदार शरीरयष्टीवरून त्याने घेतलेल्या मेहनतीचा अंदाज येतो.

'बाबू' सिनेमात अंकित मोहन सोबत रूचिर जाधव, नेहा महाजन देखील दिसून येणार आहेत. मयूर शिंदे यांनी या सिनेमाचे दिग्दर्शन केले आहे.

बाबू ही व्यक्तिरेखा अंकितच्या खूप जवळची आहे. त्यामुळे ही व्यक्तीरेखा साकारताना त्याने फार मेहनत घेतली आहे. मार्शल आर्ट आणि कलरीपट्टू अंकित शिकला असल्याने त्याचा त्याला फायदा झाला आहे.

अंकित म्हणतो, "ऐतिहासिक ॲक्शन सीन्स करताना तुमच्या हातात हत्यार असते तर अशा प्रकारच्या ॲक्शन सीन्समध्ये हातच तुमचे हत्यार असते".

दोन्ही सिनेमातील सीन्समध्ये नियंत्रण आणि काळजी दोन्ही गोष्टी खूप महत्तवाच्या होत्या. पण अंकितने बाबू सिनेमातील अॅक्शन सीन्स एन्जॉय केले आहेत.