Paras Chhabra Birthday: पारस छाबराने 'रावण' बनून जिंकली लोकांची मने, एकेकाळी केले होते सलूनमध्ये काम!

बिग बॉस 13 मधून घराघरात नाव कोरलेल्या पारस छाब्राला आज कोणत्याही ओळखीची गरज नाही. आज पारसचा वाढदिवस आहे, चला तर मग जाणून घेऊया त्याच्या आयुष्याशी संबंधित काही किस्से...

पारस छाब्रा

11 जुलै 1990 रोजी दिल्लीत जन्मलेला पारस छाबरा आपल्या पंच लाइन्सने चर्चेत आला आहे. पारसने बिग बॉस 13 च्या घरात खळबळ उडवून दिली आणि इथपर्यंत पोहोचण्यासाठी त्याने खूप मेहनत घेतली आहे.

अभिनेत्याच्या रील आणि वास्तविक जीवनाने बरीच प्रसिद्धी मिळवली आहे.

आज पारसचा वाढदिवस आहे, चला तर मग जाणून घेऊया त्याच्या आयुष्याशी संबंधित काही किस्से...

टीव्ही जगतात एक प्रसिद्ध नाव बनलेल्या पारसचे बालपण खूप कठीण गेले. तो फक्त तीन वर्षांचा असताना त्याच्या वडिलांचे निधन झाले.

त्या काळात त्याच्या आईने खूप कष्ट करून त्याला वाढवले. पारस जेव्हा 11वी मध्ये शिकत होता तेव्हा त्याने घर चालवण्यासाठी मॉडेलिंग करायला सुरुवात केली होती.

त्यांनी मुक्त विद्यापीठातून पदवी प्राप्त केली आहे. घराची आर्थिक स्थिती सुधारण्यासाठी अभिनेत्याने कव्हर फॅक्टरी, कॉल सेंटर, कॅब सर्व्हिस, जिम, सलून, कोल्ड स्टोरेजमध्येही काम केले आहे.

पारसने मॉडेलिंगदरम्यान अनेक प्रसिद्ध ब्रँडसाठी फोटोशूट केले. त्याच वेळी, अभिनेता 'स्प्राईट', 'जिलेट', 'जिओनी मोबाइल' आणि 'जिओ' च्या जाहिरातींमध्ये देखील दिसला आहे.

टीव्ही डेब्यूबद्दल बोलायचे झाले तर पारसने 2012 मध्ये डेटिंग रिॲलिटी शो 'स्प्लिट्सविला सीझन 5' द्वारे छोट्या पडद्यावर प्रवेश केला आणि आकांक्षा पोपलीसोबत जोडी बनवून विजेतेपद पटकावले.

2013 मध्ये पारस सारा खानसोबत 'नच बलिए 6'मध्ये वाईल्ड कार्डच्या भूमिकेत दिसला होता. त्यादरम्यान दोघेही एकमेकांच्या प्रेमात पडले होते.

ते दोन्ही शो जिंकू शकले नाहीत, पण ही जोडी M3- Midsummer Midnight या चित्रपटात दिसली. 2014 मध्ये रिलीज झालेला हा चित्रपट फ्लॉप झाला. यानंतर, पारस छोट्या पडद्यावर परतला आणि स्प्लिट्सविला 8 मध्ये सेलिब्रिटी स्पर्धक म्हणून दिसला.

बडो बहू, अधुरी कहानी हमारी, आरंभ: कहानी देवसेना की, कलीरें आणि कर्ण संगिनी इत्यादी मालिकांमध्ये तो दिसला होता. विघ्नहर्ता गणेश या मालिकेतील पारसने साकारलेली रावणाची भूमिका खूप गाजली.(pc: पारस छाब्रा insta)